თბილისში თანამედროვე მხატვრების გამოფენები იხსნება

© courtesy of Mariam Aqubardiaმარიამ აქუბარდია და მისი ნახატი
მარიამ აქუბარდია და მისი ნახატი - Sputnik საქართველო, 1920, 15.09.2022
გამოწერა
НовостиTelegram
ესაა უნიკალური ექსპოზიციები წარსულისა და აწმყოს შესახებ, რომლებიც თანამედროვე ვიზუალური ენით გვიყვებიან ამბებს.
თბილისი, 15 სექტემბერი – Sputnik. The why not gallery 15 სექტემბრიდან ორი ქართველი შემოქმედის ორ გამოფენას ხსნის: მარიამ აქუბარდიას „მოხატული კედლები რეალობის ილუზიას ქმნიან“ და ნიკა ქუთელიას CHARITSKHES, DE?
აქუბარდიას ნამუშევრები განსაკუთრებული ხელწერითაა შექმნილი: პასტელურ ფერთა პალიტრა, ფოტოგრაფიული რეალიზმისა და აბსტრაქტული ფერწერის გადაკვეთაზე, წაშლის ტექნიკით დახატული დიდი ზომის ფიგურატიული კომპოზიციები, თითქოს წამში გამოჭერილი ფრაგმენტები, უდროობის მორევიდან არიან ამოსული.
© Courtesy of Mariam Aqubardiaმარიამ აქუბარდიას ნახატი
Художница Мариам Акубардия и ее работы - Sputnik საქართველო, 1920, 15.09.2022
მარიამ აქუბარდიას ნახატი
„წარმოდგენილი ნახატები თითქოს მეხსიერებაში ფოტოკადრებად ჩარჩენილი მოქმედების ტილოზე გადმოტანის, ეფემერული და მოუხელთებელი განცდებისთვის ფიზიკურობის მინიჭების მცდელობაა“, – აღნიშნულია ორგანიზატორების განცხადებაში.
© Courtesy of Mariam Aqubardiaმარიამ აქუბარდიას ნახატი
Художница Мариам Акубардия и ее работы - Sputnik საქართველო, 1920, 15.09.2022
მარიამ აქუბარდიას ნახატი
CHARITSKHES, DE? – ნიკა ქუთელიას სადებიუტო პერსონალური გამოფენაა. მხატვარი მრავალი წელი მუშაობდა გრაფიკულ დიზაინსა და ციფრულ ხელოვნებაში.
სოხუმში დაბადებული, ბავშვობიდანვე მიჩვეულია საცხოვრებელი ადგილის მუდმივად ცვლას და ახალ დინამიკაში ყველაფრის თავიდან დაწყებას, აღნიშნავენ გალერეაში ქუთელიას შესახებ.
© Courtesy of Mariam Aqubardiaმარიამ აქუბარდიას ნახატი
Художница Мариам Акубардия и ее работы - Sputnik საქართველო, 1920, 15.09.2022
მარიამ აქუბარდიას ნახატი
„მინდოდა მეჩვენებინა, წარსულის რამდენი ნაგლეჯი დარჩა ჩემს მეხსიერებაში. ამბები დღევანდელ, არაჯანსაღ სამყაროზე, ნათესავების ისტორიები ომზე, ომის შემდგომ ცხოვრებაზე, ერთმანეთის დახმარებასა და ერთმანეთის სიძულვილზე. მინდოდა მეჩვენებინა ლაქა, რომელიც დროის გასვლასთან ერთად არ იცრიცება. მინდოდა მეჩვენებინა ჩემი შინაგანი ბავშვი, რომელიც ამ ყველაფერთან ერთად დღემდე ცოცხალია“, – აღნიშნავს ქუთელია.
აქუბარდიასა და ქუთელიას პერსონალური გამოფენები The why not gallery-ში 22 ოქტომბრამდე გაგრძელდება.
ეწვიეთ „Sputnik საქართველოს“ Telegram-არხს
ყველა ახალი ამბავი
0