ძიუდო: გუჯეჯიანმა მსოფლიო ჩემპიონატისთვის ნაკრების შემადგენლობა დაასახელა

© photo: Sputnik / Stringerძიუდო. ლუხუმ ჩხვიმიანი
ძიუდო. ლუხუმ ჩხვიმიანი - Sputnik საქართველო, 1920, 14.09.2022
გამოწერა
НовостиTelegram
საქართველოს ნაკრები მსოფლიო ჩემპიონატზე 9-კაციანი შემადგენლობით გაემგზავრება.
თბილისი, 14 სექტემბერი — Sputnik. ცნობილი გახდა საქართველოს ნაკრების ძიუდოისტთა შემადგენლობა, რომლებიც უზბეკეთის დედაქალაქ ტაშკენტში 6–13 ოქტომბერს დაგეგმილ მსოფლიო ჩემპიონატზე გამოვლენ.
ძიუდოს ვაჟთა ნაკრების მთავარმა მწვრთნელმა ლაშა გუჯეჯიანმა მსოფლიო პირველობისთვის 9 ქართველი ძიუდოისტი შეარჩია. აღსანიშნავია, რომ გუჯეჯიანის რჩეულ სპორტსმენებს შორის მოხვდა ოლიმპიური ჩემპიონი ლაშა ბექაურიც, რომელსაც ტრავმის გამო დიდი დრო გაუცდა.
საქართველოს ნაკრების შემადგენლობა:
-60კგ: ლუხუმ ჩხვიმიანი
-66კგ: ვაჟა მარგველაშვილი
-73კგ: ლაშა შავდათუაშვილი
-81კგ: ტატო გრიგალაშვილი
-90კგ: ლაშა ბექაური, ლუკა მაისურაძე
-100კგ: ილია სულამანიძე, ვარლამ ლიპარტელიანი
+100კგ: გურამ თუშიშვილი
გუჯეჯიანმა 90 და 100 კილოგრამ წონით კატეგორიაში არსებული დიდი კონკურენციის გამო ორ-ორი სპორტსმენი გამოიძახა. როგორც აღმოჩნდა, 90 კილომდე წონით კატეგორიაში ნაკრებში ბექა ღვინიაშვილის ადგილი არ მოიძებნა და ის და გიორგი ტერაშვილი ტაშკენტში მხოლოდ გუნდურ ჩათვლაში იჭიდავებენ.
ყველა ახალი ამბავი
0