მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ფაშინიანმა შეტაკებაში დაღუპული სომეხი სამხედროების რაოდენობა დაასახელა

© photo: Sputnik / Evgeny Biyatovნიკოლ ფაშინიანი
ნიკოლ ფაშინიანი - Sputnik საქართველო, 1920, 13.09.2022
გამოწერა
თბილისი, 13 სექტემბერი − Sputnik. სომხურ მხარეს აზერბაიჯანთან საზღვარზე მომხდარი ინციდენტის შედეგად, რა დროსაც აზებაიჯანელმა სამხედროებმა სომხური პოზიციები დაცხრილეს, რამდენიმე ათეული ადამიანი დაიღუპა, განაცხადა სომხეთის პრემიერ-მინისტრმა ნიკოლ ფაშინიანმა პარლამენტში გამოსვლისას.

„ამ მომენტისთვის სომხეთის თავდაცვის სამინისტროს 49 სამხედროს დაღუპვა აქვს დადასტურებული. მაგრამ ეს საბოლოო რიცხვი არ არის“, − აღნიშნა პრემიერმა.

მისი თქმით, დაღუპულებთან დაკავშირებით ინფორმაცია დაზუსტებას მოითხოვს.
სამშაბათს, ღამით სომხეთ–აზერბაიჯანის საზღვარზე საომარი მოქმედებები დაიწყო. მხარეები გამწვავების დაწყებაში ერთმანეთს ადანაშაულებენ. ერევანში ამბობენ, რომ აზერბაიჯანელმა სამხედროებმა სომხეთის ტერიტორია არტილერიისა და დრონების გამოყენებით დაბომბეს. ამასთან საუბარია ტერიტორიებზე, რომლებსაც არანაირი კავშირი არ აქვს ყარაბაღთან.
ბაქოში კი აცხადებენ, რომ საზღვარზე დისლოცირებულმა სომეხმა სამხედროებმა აზერბაიჯანული ჯარების პოზიციებს ცეცხლი გაუხსნეს, რასაც მათი მხრიდან საპასუხო მოქმედებები მოჰყვა. აზერბაიჯანის საგარეო საქმეთა სამინისტრომ სომხეთი სამშვიდობო პროცესის ჩაშლაში დაადანაშაულა.
ფაშინიანის თქმით, ამ დროისათვის სომხეთ–აზერბაიჯანის საზღვარზე საბრძოლო მოქმედებების ინტენსივობამ უკვე იკლო, შეტაკებები მხოლოდ რამდენიმე მიმართულებით გრძელდება.
ეწვიეთ„Sputnik საქართველოს“ Telegram-არხს
ყველა ახალი ამბავი
0