მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ქოლერის აფეთქება: დაავადებულია 2 ათასი, გარდაცვლილია 5 ადამიანი

© AP Photo / Vitali Timkiv
  - Sputnik საქართველო, 1920, 13.09.2022
გამოწერა
თბილისი, 13 სექტემბერი − Sputnik. სირიის დედაქალაქ დამასკის საავადმყოფოები საგანგებო მზადყოფნაში მოიყვანეს მას შემდეგ, რაც ომით განადგურებულ ქვეყანაში ქოლერის 2 ათასზე მეტი შემთხვევა დაფიქსირდა, განაცხადეს ქვეყნის ჯანდაცვის ორგანოების ოფიციალურმა წარმომადგენლებმა.
მათი თქმით, დაავადებისგან უკვე ხუთი ადამიანი გარდაიცვალა.
ქოლერის გავრცელების მთავარი მიზეზი, სავარაუდოდ, არის დაბინძურებული წყალი, რომელსაც მოსახლეობა სასმელადაც იყენებს და ნათესების სარწყავადაც.
დამასკში ჯანმრთელობის მსოფლიო ორგანიზაციის (ჯანმო) ოფისს აღნიშნულთან დაკავშირებით კომენტარი არ გაუკეთებია.
ქვეყნის ჯანდაცვის მინისტრ მუჰამედ სამერ შაჰურის თქმით, სამინისტრო ყველა პროვინციის დეპარტამენტებს უწევს კოორდინაციას წყლის, ასევე ხილისა და ბოსტნეულის შესამოწმებლად. როგორც მინისტრი ამბობს, ქვეყნის იმ ნაწილებში, რომლებსაც სამთავრობო ძალები აკონტროლებენ, საავადმყოფოებს აქვთ მედიკამენტები ქოლერით დაავადებულთა სამკურნალოდ.
სირიის ინფრასტრუქტურას სერიოზული ზიანი მიადგა მას შემდეგ, რაც ქვეყანაში 2011 წლის მარტში სამხედრო კონფლიქტი დაიწყო. ქვეყნის ზოგ რაიონში მოსახლეობას სუფთა წყალზე წვდომა არ აქვს. კონფლიქტმა ასობით ათასი ადამიანის სიცოცხლე შეიწირა, ხოლო ომამდელი 23-მილიონიანი ქვეყნის მოსახლეობის ნახევარი აიძულა სამშობლო დაეტოვებინა.
წყარო: AP News
ეწვიეთ„Sputnik საქართველოს“ Telegram-არხს
ყველა ახალი ამბავი
0