https://sputnik-georgia.com/20220911/rogor-ganvitardeba-fexburti-saqartvelosi-fexburtis-federaciam-axali-gegma-waradgina-270322671.html
როგორ განვითარდება ფეხბურთი საქართველოში - სფფ-ის ახალი გეგმა
როგორ განვითარდება ფეხბურთი საქართველოში - სფფ-ის ახალი გეგმა
Sputnik საქართველო
ფედერაციას უკვე ჰყავს ლიცენციის მქონე 60-მდე მწვრთნელი, რაც ეროვნულ ჩემპიონატში მწვრთნელებზე მოთხოვნებს გაამკაცრებს, განაცხადა სფფ-ის გენმდივანმა
2022-09-11T12:10+0400
2022-09-11T12:10+0400
2022-09-11T12:10+0400
ახალი ამბები
საქართველო
სპორტი
https://cdnn1.img.sputnik-georgia.com/img/07e6/03/02/264906532_0:0:3000:1688_1920x0_80_0_0_ccb14a32fd6b4d4233adbc33cdf3560a.jpg
თბილისი, 11 სექტემბერი - Sputnik. მწვრთნელების მომზადება და ფეხბურთელების რაოდენობის 45 ათასამდე გაზრდა არის ეროვნული ფეხბურთის განვითარების მთავარი მიზანი მომდევნო ოთხი წლის განმავლობაში, განაცხადა საქართველოს ფეხბურთის ფედერაციის გენერალურმა მდივანმა დავით მუჯირმა.საქართველოს ფეხბურთის ფედერაციამ, უეფასთან თანამშრომლობით, სტრატეგიული განვითარების ოთხწლიანი გეგმა შეიმუშავა. სტრატეგიული დაგეგმვის პროცესი რამდენიმე თვე გაგრძელდა და მოიცავდა ადგილობრივი საფეხბურთო ინდუსტრიის ყველა ძირითად სფეროს. დოკუმენტში ჩამოყალიბებულია კონკრეტული მიზანი, ღირებულებები, ნაბიჯები და ხედვა, თუ როგორ უნდა განვითარდეს ფეხბურთი საქართველოში. გეგმის შემუშავების პროცესში გათვალისწინებულია ბოლო ხუთი წლის განმავლობაში დაგროვილი გამოცდილება და ამ პროცესში წარმოქმნილი ახალი გამოწვევების ანალიზი.მისი თქმით, კურსებზე მწვრთნელების მომზადება ბოლო რამდენიმე წლის განმავლობაში უეფას ნებართვით მიმდინარეობს.სფფ-ის გენმდივანმა აღნიშნა, რომ ფედერაციას უკვე ჰყავს 60-მდე პროფ-ლიცენციის მქონე მწვრთნელი. აქედან გამომდინარე, ეროვნულ ჩემპიონატში მწვრთნელებზე მოთხოვნები გამკაცრდება.როგორც მუჯირმა აღნიშნა, ძნელია არ შენიშნო ბოლო წლების პროგრესი, რომელიც ქალთა ფეხბურთსა და ფუტსალს ეხება.აღმასრულებელმა კომიტეტმა დავით მუჯირი საქართველოს ფეხბურთის ფედერაციის ახალ გენერალურ მდივნად შვიდი წლის წინ - 2015 წლის ოქტომბერში აირჩია. პარალელურად გაიმართა ფედერაციის პრეზიდენტის არჩევნები, სადაც ლევან კობიაშვილმა გაიმარჯვა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ფეხბურთი საქართველო ფედერაცია სფფ ახალი გეგმა
ფეხბურთი საქართველო ფედერაცია სფფ ახალი გეგმა
როგორ განვითარდება ფეხბურთი საქართველოში - სფფ-ის ახალი გეგმა
ფედერაციას უკვე ჰყავს ლიცენციის მქონე 60-მდე მწვრთნელი, რაც ეროვნულ ჩემპიონატში მწვრთნელებზე მოთხოვნებს გაამკაცრებს, განაცხადა სფფ-ის გენმდივანმა
თბილისი, 11 სექტემბერი - Sputnik. მწვრთნელების მომზადება და ფეხბურთელების რაოდენობის 45 ათასამდე გაზრდა არის ეროვნული ფეხბურთის განვითარების მთავარი მიზანი მომდევნო ოთხი წლის განმავლობაში, განაცხადა საქართველოს ფეხბურთის ფედერაციის გენერალურმა მდივანმა დავით მუჯირმა.
საქართველოს ფეხბურთის ფედერაციამ, უეფასთან თანამშრომლობით, სტრატეგიული განვითარების ოთხწლიანი გეგმა შეიმუშავა. სტრატეგიული დაგეგმვის პროცესი რამდენიმე თვე გაგრძელდა და მოიცავდა ადგილობრივი საფეხბურთო ინდუსტრიის ყველა ძირითად სფეროს. დოკუმენტში ჩამოყალიბებულია კონკრეტული მიზანი, ღირებულებები, ნაბიჯები და ხედვა, თუ როგორ უნდა განვითარდეს ფეხბურთი საქართველოში. გეგმის შემუშავების პროცესში გათვალისწინებულია ბოლო ხუთი წლის განმავლობაში დაგროვილი გამოცდილება და ამ პროცესში წარმოქმნილი ახალი გამოწვევების ანალიზი.
„ჩვენი მიზანი მოთამაშეთა რაოდენობის 45 ათასამდე გაზრდაა. მაგრამ საამისოდ აუცილებელია შესაბამისი ინფრასტრუქტურაც, რისთვისაც სფფ ბევრს აკეთებს. ჩვენთვის მწვრთნელთა განათლება ერთ-ერთი უმნიშვნელოვანესი მიმართულებაა. გვაქვს ბედნიერება, რომ საქართველოში პროფ-ლიცენზიის კურსები ჩავატაროთ“, – განაცხადა დავით მუჯირმა.
მისი თქმით, კურსებზე მწვრთნელების მომზადება ბოლო რამდენიმე წლის განმავლობაში უეფას ნებართვით მიმდინარეობს.
სფფ-ის გენმდივანმა აღნიშნა, რომ ფედერაციას უკვე ჰყავს 60-მდე პროფ-ლიცენციის მქონე მწვრთნელი. აქედან გამომდინარე, ეროვნულ ჩემპიონატში მწვრთნელებზე მოთხოვნები გამკაცრდება.
როგორც მუჯირმა აღნიშნა, ძნელია არ შენიშნო ბოლო წლების პროგრესი, რომელიც ქალთა ფეხბურთსა და ფუტსალს ეხება.
„მოთამაშეთა რაოდენობა 18 ათასიდან 38 ათასამდე გაიზარდა. 120 ფეხბურთელი გოგონა იყო, დღეს 10-ჯერ მეტი გვყავს. ფუტსალის ჩემპიონატში გუნდების შეკრება ჭირდა, ახლა კი ორი ლიგაა და მალე 19-წლამდელთა ჩემპიონატს ჩავატარებთ, რადგან უეფა ამ ასაკის ჩემპიონთა ლიგასაც იწყებს“, - განაცხადა მუჯირმა.
აღმასრულებელმა კომიტეტმა დავით მუჯირი საქართველოს ფეხბურთის ფედერაციის ახალ გენერალურ მდივნად შვიდი წლის წინ - 2015 წლის ოქტომბერში აირჩია. პარალელურად გაიმართა ფედერაციის პრეზიდენტის არჩევნები, სადაც ლევან კობიაშვილმა გაიმარჯვა.
