დედაქალაქში თბილისის საერთაშორისო ტრიენალე გაიმართება

© photo: Sputnik / Alexey Danichev / გადასვლა მედიაბანკშიგამოფენა
გამოფენა - Sputnik საქართველო, 1920, 11.09.2022
გამოწერა
НовостиTelegram
ტრიენალეს ფარგლებში დედაქალაქსა და რეგიონებში რამდენიმე ღონისძიება გაიმართება
თბილისი, 11 სექტემბერი - Sputnik. თბილისის მე-4 საერთაშორისო ტრიენალე გაიმართება დედაქალაქში და რეგიონებში 1-30 ოქტომბერს, ნათქვამია ორგანიზატორების განცხადებაში.
ღონისძიებაში საერთაშორისო და ქართველი მხატვრები მიიღებენ მონაწილეობას. წლევანდელი ტრიენალეს მთავარი თემაა „მიკროკლიმატი/განათლება“.
„მიკროკლიმატი/განათლება წაახალისებს გარემოს შემოქმედებით, მოაზროვნეებითა და მოსწავლეებით, რომლებიც იზიარებენ ადგილის სპეციფიკას და განავრცობენ სწავლის პირობებს. როდესაც ეს ორი მიმართულება ერთმანეთს ხვდება და ნაწილდება, შემოქმედება ნამდვილ პლურალისტურ პროცესად ვითარდება“, - ნათქვამია ორგანიზატორების ანონსში.
თბილისის პირველი ტრიენალე თანამედროვე ხელოვნების ცენტრის (CCA) ორგანიზებით 2012 წელს გაიმართა. მის ძირითად თემას არაფორმალური სახელოვნებო განათლება წარმოადგენდა. პირველი ტრიენალეს პროგრამა ერთი თვის განმავლობაში მიმდინარე გამოფენების, ვორკშოპებისა და სხვა საზოგადოებრივი აქტივობების სერიას აერთიანებდა. მასში მონაწილეობას იღებდნენ არტისტები, კურატორები, შემოქმედებითი კოლექტივები და თეორეტიკოსები მსოფლიოს 14 ქვეყნიდან.
2015 წელს თბილისის მეორე ტრიენალეს თემას თვითორგანიზებული სისტემები წარმოადგენდა. 2018 წლის ტრიენალეს მთავარ თემას ნება წარმოადგენდა.
ყველა ახალი ამბავი
0