https://sputnik-georgia.com/20220910/sagarejos-semovliti-gzis-mshenebloba-270298426.html
თბილისი-საგარეჯოს ახალი გზის მშენებლობა აქტიურად მიმდინარეობს: გზების დეპარტამენტი
თბილისი-საგარეჯოს ახალი გზის მშენებლობა აქტიურად მიმდინარეობს: გზების დეპარტამენტი
Sputnik საქართველო
პროექტი ითვალისწინებს 7,6 კილომეტრის სიგრძის ოთხზოლიანი გზისა და 17 სახიდე გადასასვლელის მშენებლობას.
2022-09-10T11:00+0400
2022-09-10T11:00+0400
2022-09-10T11:00+0400
ახალი ამბები
საქართველო
საქართველოს რეგიონები
კახეთი
https://cdnn1.img.sputnik-georgia.com/img/07e6/09/0a/270296193_0:199:1334:949_1920x0_80_0_0_6d2c7b5ffe9606d96d888ba42ee61b54.jpg
თბილისი, 10 სექტემბერი — Sputnik. გრძელდება საგარეჯოს შემოვლითი გზის მშენებლობა - თბილისი-საგარეჯოს ახალი ჩქაროსნული ავტომაგისტრალის მშენებლობის ფარგლებში, იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.პროექტი ითვალისწინებს 7,6 კილომეტრის სიგრძის ოთხზოლიანი გზისა და 17 სახიდე გადასასვლელის მშენებლობას. ამ ეტაპზე, მიმდინარეობს რკინა-ბეტონის მილებისა და ხიდის ფუნდამენტის ხიმინჯების მოწყობა, მიწის და მდინარე თვალთხევის კალაპოტის შეცვლის სამუშაოები. სამშენებლო სამუშაოების ღირებულება 150 მილიონ ლარამდეა.თბილისი-საგარეჯოს 35 კილომეტრიანი გზის მშენებლობა სამ მონაკვეთადაა დაყოფილი, სადაც ოთხზოლიანი ასფალტ-ბეტონის საფარიანი, გარე განათების სისტემით აღჭურვილი ჩქაროსნული საავტომობილო გზა აშენდება. ამ ეტაპზე სამშენებლო სამუშაოები სამივე მონაკვეთზე მიმდინარეობს.თბილისი-საგარეჯოს გზის მშენებლობა სახელმწიფო ბიუჯეტიდან ფინანსდება და მისი ჯამური ღირებულება 527,2 მლნ ლარს შეადგენს.თბილისი-საგარეჯოს მონაკვეთი თბილისიდან კახეთის მიმართულებით ძირითადი მაგისტრალის, ასევე აზერბაიჯანის ჩრდილო-დასავლეთ რეგიონთან დამაკავშირებელი სატრანზიტო დერეფნის ნაწილია. ამ მონაკვეთზე სატრანსპორტო ნაკადების ინტენსიურობა მნიშვნელოვნად იზრდება, ხოლო არსებული ორზოლიანი გზა მჭიდროდ დასახლებულ სოფლებსა და ქალაქებზე გადის (ვაზიანი, სართიჭალა, ნინოწმინდა, საგარეჯო), რაც, ერთი მხრივ, აფერხებს მოძრაობას, მეორე მხრივ, საფრთხეს უქმნის ადამიანებს.ახალი გზის მშენებლობა მნიშვნელოვნად გააუმჯობესებს საგზაო მოძრაობის უსაფრთხოებას და შეამცირებს გადაადგილების დროს, აღნიშნეს უწყებაში. საავტომობილო გზების დეპარტამენტის განცხადებით, პროექტი ხელს შეუწყობს კახეთის რეგიონში სოფლის მეურნეობის და ტურიზმის განვითარებას და გაზრდის საქართველოზე გამავალი სატრანზიტო დერეფნის კონკურენტუნარიანობას.წყარო - საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.
საქართველო
კახეთი
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
თბილისი-საგარეჯო ახალი გზა მშენებლობა გზები დეპარტამენტი
თბილისი-საგარეჯო ახალი გზა მშენებლობა გზები დეპარტამენტი
თბილისი-საგარეჯოს ახალი გზის მშენებლობა აქტიურად მიმდინარეობს: გზების დეპარტამენტი
პროექტი ითვალისწინებს 7,6 კილომეტრის სიგრძის ოთხზოლიანი გზისა და 17 სახიდე გადასასვლელის მშენებლობას.
თბილისი, 10 სექტემბერი — Sputnik. გრძელდება საგარეჯოს შემოვლითი გზის მშენებლობა - თბილისი-საგარეჯოს ახალი ჩქაროსნული ავტომაგისტრალის მშენებლობის ფარგლებში, იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.
პროექტი ითვალისწინებს 7,6 კილომეტრის სიგრძის ოთხზოლიანი გზისა და 17 სახიდე გადასასვლელის მშენებლობას. ამ ეტაპზე, მიმდინარეობს რკინა-ბეტონის მილებისა და ხიდის ფუნდამენტის ხიმინჯების მოწყობა, მიწის და მდინარე თვალთხევის კალაპოტის შეცვლის სამუშაოები. სამშენებლო სამუშაოების ღირებულება 150 მილიონ ლარამდეა.
თბილისი-საგარეჯოს 35 კილომეტრიანი გზის მშენებლობა სამ მონაკვეთადაა დაყოფილი, სადაც ოთხზოლიანი ასფალტ-ბეტონის საფარიანი, გარე განათების სისტემით აღჭურვილი ჩქაროსნული საავტომობილო გზა აშენდება. ამ ეტაპზე სამშენებლო სამუშაოები სამივე მონაკვეთზე მიმდინარეობს.
თბილისი-საგარეჯოს გზის მშენებლობა სახელმწიფო ბიუჯეტიდან ფინანსდება და მისი ჯამური ღირებულება 527,2 მლნ ლარს შეადგენს.
თბილისი-საგარეჯოს მონაკვეთი თბილისიდან კახეთის მიმართულებით ძირითადი მაგისტრალის, ასევე აზერბაიჯანის ჩრდილო-დასავლეთ რეგიონთან დამაკავშირებელი სატრანზიტო დერეფნის ნაწილია. ამ მონაკვეთზე სატრანსპორტო ნაკადების ინტენსიურობა მნიშვნელოვნად იზრდება, ხოლო არსებული ორზოლიანი გზა მჭიდროდ დასახლებულ სოფლებსა და ქალაქებზე გადის (ვაზიანი, სართიჭალა, ნინოწმინდა, საგარეჯო), რაც, ერთი მხრივ, აფერხებს მოძრაობას, მეორე მხრივ, საფრთხეს უქმნის ადამიანებს.
ახალი გზის მშენებლობა მნიშვნელოვნად გააუმჯობესებს საგზაო მოძრაობის უსაფრთხოებას და შეამცირებს გადაადგილების დროს, აღნიშნეს უწყებაში. საავტომობილო გზების დეპარტამენტის განცხადებით, პროექტი ხელს შეუწყობს კახეთის რეგიონში სოფლის მეურნეობის და ტურიზმის განვითარებას და გაზრდის საქართველოზე გამავალი სატრანზიტო დერეფნის კონკურენტუნარიანობას.
