ტრიო „მანდილი" ბათუმში საქველმოქმედო კონცერტზე გეპატიჟებათ

© photo: Trio Mandili / VKტრიო "მანდილი"
ტრიო მანდილი - Sputnik საქართველო, 1920, 08.09.2022
გამოწერა
НовостиTelegram
გოგონები მათ მიერ გადაღებული და ინტერნეტით გავრცელებული მუსიკალური ვიდეოს წყალობით გახდნენ პოპულარული.
თბილისი, 8 სექტემბერი — Sputnik. პოპულარული ქართული ფოლკ-ტრიო „მანდილი" ბათუმში კონცერტს 14 სექტემბერს გამართავს, ნათქვამია ღონისძიების ორგანიზატორების განცხადებაში.
კონცერტი Backdoor Bar-ის სცენაზე 20:00 საათზე დაიწყება.
„ეს არის ჯგუფი, რომელიც, მიუხედავად დიდი პოპულარობისა, საქართველოში, პრაქტიკულად არ გამოდის. თუმცა ბოლო რამდენიმე თვის მანძილზე მათ ევროპაში 50-ზე მეტი კონცერტი ჩაატარეს, რომელთა უმეტესობა საქველმოქმედო ხასიათის იყო“, – ნათქვამია კონცერტის ანონსში.
საქართველოში გოგონები მათ მიერ გადაღებული და ინტერნეტით გავრცელებული მუსიკალური ვიდეოს წყალობით გახდნენ პოპულარული. თბილისის მახლობლად, სოფლის გზაზე გადაღებულმა ვიდეომ, სადაც გოგონები ქართულ ხალხურ სიმღერას — „აპარეკას" მღერიან, ინტერნეტში ორი კვირის მანძილზე მილიონი ნახვა დააგროვა.
ჯგუფის სახელწოდება „მანდილი", ჯგუფის წევრების თქმით, ერთ-ერთი გოგონას დედას ესიზმრა, როგორც წარმატების მომტანი ნიშანი და ამიტომაც შეარჩიეს. გოგონებს სპეციალური მუსიკალური განათლება არ აქვთ. ყველაფერი, მათ შორის ფანდურზე დაკვრაც თავად ისწავლეს.
2015 წელს „მანდილმა" გამოუშვა სადებიუტო ალბომი სახელწოდებით With Love, რომელშიც შევიდა საქართველოს როგორც თანამედროვე, ისე კლასიკური ავტორების ათი ტრეკი. ტრიო „მანდილი" პირველად 2016 წელს გამოვიდა რუსეთში — მოსკოვსა და სანქტ-პეტერბურგში.
2017 წელს ტრიო „მანდილმა" მონაწილეობა მიიღო „ევროვიზიის" ეროვნულ შესარჩევ კონკურსში.
ყველა ახალი ამბავი
0