ქართული კომპანიების ფასიანი ქაღალდები ლონდონის ბირჟაზე: ერთი კვირის ვაჭრობის შედეგები

© AFP 2022 / TOLGA AKMENლონდონის საფონდო ბირჟა
ლონდონის საფონდო ბირჟა - Sputnik საქართველო, 1920, 06.09.2022
გამოწერა
НовостиTelegram
ლონდონის საფონდო ბირჟაზე საქართველოს მთავრობის ფასიანი ქაღალდების ღირებულება გასულ კვირაში შემცირდა.
თბილისი, 6 სექტემბერი — Sputnik. საქართველოს სუვერენული ობლიგაციების ღირებულება ლონდონის საფონდო ბირჟაზე გასულ კვირაში 0,66%-ით შემცირდა და 86,9 დოლარი შეადგინა, მოგება შეადგენს 6,88%-ს, ნათქვამია საინვესტიციო კომპანია Galt&Taggart-ის ანგარიშში.
კორპორაციული ობლიგაციებით ვაჭრობა
საინვესტიციო კომპანიის მონაცემებით, „საქართველოს ბანკის" ევროობლიგაციების ღირებულება ერთ კვირაში 0,26%-ით გაიზარდა, ვაჭრობა დაიხურა 4,29% მოგებით 101,5 პუნქტის ფასით. კომპანია Georgia Capital-ის გარიგებები ევროობლიგაციებზე დაიხურა 94,3 პუნქტის ფასით, 10,25% მოგებით, ფასი ერთ კვირაში არ შეცვლილა.
„საქართველოს რკინიგზის" ევროობლიგაციების ღირებულება გასულ კვირაში 1,14%-ით შემცირდა 83,52 პუნქტამდე, მოგება შეადგენს 7,56%-ს.
უცხოელმა ექსპერტებმა მოიწონეს საქართველოში იპოთეკური ობლიგაციების გამოშვების პროექტი>>>
აქციებით ვაჭრობა
ლონდონის საფონდო ბირჟაზე „საქართველოს ბანკის" აქციებზე ფასი ერთ კვირაში 1,45%-ით შემცირდა და ერთ აქციაზე 20,35 ფუნტი სტერლინგი შეადგინა. სულ კვირის განმავლობაში ბანკის 492 ათასი ფასიანი ქაღალდის ყიდვა–გაყიდვის გარიგება შედგა, ამასთან ფასი მერყეობდა ერთ აქციაზე 20,15–21,25 ფუნტის დიაპაზონში.
კომპანია Georgia Capital-ის აქციების ფასი კვირის განმავლობაში გაიზარდა 1,93%-ით და ერთ აქციაზე 6,88 ფუნტი შეადგინა. სულ კვირის განმავლობაში კომპანიის 209 ათასი ფასიანი ქაღალდის ყიდვა–გაყიდვის გარიგება შესრულდა, ამასთან ფასი მერყეობდა ერთ აქციაზე 6,7–6,95 ფუნტის დიაპაზონში.
TBC Bank-ის აქციები ერთ კვირაში 3,02%-ით შემცირდა 17,36 ფუნტამდე ერთ აქციაზე. სულ კვირის განმავლობაში კომპანიის 232 ათასი ფასიანი ქაღალდის ყიდვა–გაყიდვის გარიგება შედგა, ფასი მერყეობდა ერთ აქციაზე 17,06–18,0 ფუნტის დიაპაზონში.
ეწვიეთ „Sputnik საქართველოს“ Telegram-არხს
ყველა ახალი ამბავი
0