https://sputnik-georgia.com/20220906/gelatsi-freskebis-gadarcena-grzeldeba-tazari-axali-droebiti-safarit-gadaxures-270155329.html
გელათში ფრესკების გადარჩენა გრძელდება: ტაძარი ახალი დროებითი საფარით გადახურეს
გელათში ფრესკების გადარჩენა გრძელდება: ტაძარი ახალი დროებითი საფარით გადახურეს
Sputnik საქართველო
უნიკალური კომპლექსის გადასარჩენად ადგილობრივი და უცხოელი ექსპერტები იბრძვიან.
2022-09-06T18:42+0400
2022-09-06T18:42+0400
2022-09-06T21:53+0400
ახალი ამბები
საქართველო
კულტურა საქართველოში
ქართული კულტურული მემკვიდრეობის ძეგლები
https://cdnn1.img.sputnik-georgia.com/img/07e6/09/06/270141257_0:50:960:590_1920x0_80_0_0_27faee1aebf2abff7db91ab224a8d818.jpg
თბილისი, 6 სექტემბერი – Sputnik. გელათის სამონასტრო კომპლექსის ძირითადი ტაძრის დასავლეთ მკლავზე ლითონის ახალი დროებითი გადახურვა მოეწყო, განაცხადა საქართველოს კულტურის, სპორტისა და ახალგაზრდობის მინისტრის მოადგილემ კახა სიხარულიძემ.უნიკალურ სამონასტრო კომპლექსში რთული ვითარება 2020 წელს გადახურვის უხარისხოდ ჩატარებული სამუშაოების გამო შეიქმნა. არაკეთილსინდისიერად შესრულებული სამუშაოების შედეგად გელათის სამონასტრო კომპლექსის ღვთისმშობლის ტაძრის კრამიტით გადახურული სახურავიდან წყლის ჟონვა დაიწყო. ძეგლის დაზიანებისგან დასაცავად სახურავი დროებით თუნუქით გადახურეს. იმ დროიდან გელათის გადასარჩენად ადგილობრივი და უცხოელი სპეციალისტები იბრძვიან.მისი თქმით, ახალი გადახურვა წინაზე გაცილებით მსუბუქია და ახლა ტაძარი დაცულია წყლის შეღწევისგან ნებისმიერ კლიმატურ პირობებში, რაც აუცილებელია ფრესკების შესანარჩუნებლად.ადრე იუნესკოს სპეციალისტების რჩევით ტაძრის დასავლეთ ნაწილს მოაშორეს მოჭიქული კრამიტი, ასევე ძველი თუჯის საფარი, რამაც ტენის აორთქლების შესაძლებლობა შექმნა, ამიტომ კედლების გაშრობის პროცესი ყველაზე ოპტიმალურად ხორციელდებოდა.ნესტის აორთქლებამ შესაძლებელი გახადა ლითონის ახალი გადახურვის მოწყობა.UNESCO-მ და ICOMOS-მა (ძეგლებისა და ღირსშესანიშნაობების დაცვის საერთაშორისო საბჭო) დადებითად შეაფასეს 2021 წელს გელათის ტაძრის (XII ს.) გადაუდებელი სარესტავრაციო სამუშაოები, რაც გელათის მონასტერში კულტურის სამინისტროს მიერ მოწვეულმა საერთაშორისო ექსპერტებმა ჩაატარეს.2021 წლის ივნისში გელათში მუშაობდა იუნესკოს ექსპერტთა ჯგუფის პირველი მისია, რომელმაც კვლევის ჩატარების შემდეგ შეადგინა საექსპერტო დასკვნა რეკომენდაციებით სარესტავრაციო სამუშაოების დროს წარმოქმნილი იმ პრობლემებისა და დაზიანებების აღმოფხვრისა და გამოსწორების მიზნით, რომლებმაც უნიკალური ფრესკების და ტაძრის კედლის მოხატულობის შენარჩუნებას საფრთხე შეუქმნა.გელათის ღვთისმშობლის სახელობის მონასტერი ქუთაისში — საქართველოში შუა საუკუნეების ერთ-ერთი უმნიშვნელოვანესი ძეგლია, საეკლესიო და კულტურული ცხოვრების ცენტრი, XVI საუკუნის მეორე ნახევრიდან 1814 წლამდე კათოლიკოსის რეზიდენცია, 1994 წლიდან — მსოფლიო მემკვიდრეობის ძეგლი. დაარსებულია 1106 წელს დავით აღმაშენებლის მიერ და ის მისი განსასვენებელი გახდა.ეწვიეთ „Sputnik საქართველოს“ Telegram-არხს
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
გელათი ფრესკები გადარჩენა ტაძარი ახალი დროებითი საფარი გადახურვა სახურავი
გელათი ფრესკები გადარჩენა ტაძარი ახალი დროებითი საფარი გადახურვა სახურავი
გელათში ფრესკების გადარჩენა გრძელდება: ტაძარი ახალი დროებითი საფარით გადახურეს
18:42 06.09.2022 (განახლებულია: 21:53 06.09.2022) უნიკალური კომპლექსის გადასარჩენად ადგილობრივი და უცხოელი ექსპერტები იბრძვიან.
თბილისი, 6 სექტემბერი – Sputnik. გელათის სამონასტრო კომპლექსის ძირითადი ტაძრის დასავლეთ მკლავზე ლითონის ახალი დროებითი გადახურვა მოეწყო, განაცხადა საქართველოს კულტურის, სპორტისა და ახალგაზრდობის მინისტრის მოადგილემ კახა სიხარულიძემ.
უნიკალურ სამონასტრო კომპლექსში რთული ვითარება 2020 წელს გადახურვის უხარისხოდ ჩატარებული სამუშაოების გამო შეიქმნა. არაკეთილსინდისიერად შესრულებული სამუშაოების შედეგად გელათის სამონასტრო კომპლექსის ღვთისმშობლის ტაძრის კრამიტით გადახურული სახურავიდან წყლის ჟონვა დაიწყო. ძეგლის დაზიანებისგან დასაცავად სახურავი დროებით თუნუქით გადახურეს. იმ დროიდან გელათის გადასარჩენად ადგილობრივი და უცხოელი სპეციალისტები იბრძვიან.
„ტაძრის დასავლეთ მკლავზე ლითონის ახალი დროებითი გადახურვა მოეწყო. პროცესი იუნესკოს მაღალკვალიფიციური ექსპერტის, პროფესორ უგო ტონიეტის რეკომენდაციით და მისი უშუალო ზედამხედველობით მიმდინარეობდა", – განაცხადა სიხარულიძემ.
მისი თქმით, ახალი გადახურვა წინაზე გაცილებით მსუბუქია და ახლა ტაძარი დაცულია წყლის შეღწევისგან ნებისმიერ კლიმატურ პირობებში, რაც აუცილებელია ფრესკების შესანარჩუნებლად.
ადრე იუნესკოს სპეციალისტების რჩევით ტაძრის დასავლეთ ნაწილს მოაშორეს მოჭიქული კრამიტი, ასევე ძველი თუჯის საფარი, რამაც ტენის აორთქლების შესაძლებლობა შექმნა, ამიტომ კედლების გაშრობის პროცესი ყველაზე ოპტიმალურად ხორციელდებოდა.
ნესტის აორთქლებამ შესაძლებელი გახადა ლითონის ახალი გადახურვის მოწყობა.
UNESCO-მ და ICOMOS-მა (ძეგლებისა და ღირსშესანიშნაობების დაცვის საერთაშორისო საბჭო) დადებითად შეაფასეს 2021 წელს გელათის ტაძრის (XII ს.) გადაუდებელი სარესტავრაციო სამუშაოები, რაც გელათის მონასტერში კულტურის სამინისტროს მიერ მოწვეულმა საერთაშორისო ექსპერტებმა ჩაატარეს.
2021 წლის ივნისში გელათში მუშაობდა იუნესკოს ექსპერტთა ჯგუფის პირველი მისია, რომელმაც კვლევის ჩატარების შემდეგ შეადგინა საექსპერტო დასკვნა რეკომენდაციებით სარესტავრაციო სამუშაოების დროს წარმოქმნილი იმ პრობლემებისა და დაზიანებების აღმოფხვრისა და გამოსწორების მიზნით, რომლებმაც უნიკალური ფრესკების და ტაძრის კედლის მოხატულობის შენარჩუნებას საფრთხე შეუქმნა.
გელათის ღვთისმშობლის სახელობის მონასტერი ქუთაისში — საქართველოში შუა საუკუნეების ერთ-ერთი უმნიშვნელოვანესი ძეგლია, საეკლესიო და კულტურული ცხოვრების ცენტრი, XVI საუკუნის მეორე ნახევრიდან 1814 წლამდე კათოლიკოსის რეზიდენცია, 1994 წლიდან — მსოფლიო მემკვიდრეობის ძეგლი. დაარსებულია 1106 წელს დავით აღმაშენებლის მიერ და ის მისი განსასვენებელი გახდა.
