ხანძრების სერია თბილისთან ახლოს - რა ვითარებაა ახლა?

© photo: Sputnik / Alexander Imedashviliსახანძრო ბრიგადა
სახანძრო ბრიგადა - Sputnik საქართველო, 1920, 05.09.2022
გამოწერა
НовостиTelegram
თუ რა გახდა ცეცხლის გაჩენის მიზეზი, ჯერჯერობით უცნობია.
თბილისი, 5 სექტემბერი – Sputnik. თბილისის მიმდებარედ ტყის მასივებში გავრცელებული ყველა ხანძრის კერა ლიკვიდირებულია, იუწყება შინაგან საქმეთა სამინისტროს საგანგებო სიტუაციების მართვის სამსახური.
კვირა საღამოს თბილისის მახლობლად ცეცხლის რამდენიმე კერა გაჩნდა. ხანძარი იყო წავკისის, წყნეთისა და ნაფეტვრების მიმდებარე ტერიტორიებზე.
უწყების ცნობით, სამივე ლოკაციაზე ცეცხლის გავრცელებას ხელს ძლიერი ქარი უწყობდა. თავდაპირველად, საფრთხის მაღალი ხარისხის გამო, ნაფეტვრების დასახლების მიმდებარედ არსებული ცეცხლის კერის ლოკალიზება მოხდა. პარალელურად მიმდინარეობდა ხანძრის ქრობის ღონისძიებები წყნეთსა და წავკისთან.
როგორც საგანგებო სიტუაციების მართვის სამსახურში განაცხადეს, მეხანძრე-მაშველთა სწრაფი და ეფექტიანი მოქმედების შედეგად ხანძრების ლოკალიზება და შემდეგ ლიკვიდაცია დროულად მოხდა.
თუ რა გახდა ცეცხლის გაჩენის მიზეზი, ჯერჯერობით უცნობია.
ყველა ახალი ამბავი
0