სამეგრელოში აზიური ფაროსანას საწინააღმდეგო ღონისძიებები გრძელდება

CC BY-SA 2.0 / Ton Rulkens / stink bugაზიური ფაროსანა
აზიური ფაროსანა - Sputnik საქართველო, 1920, 05.09.2022
გამოწერა
НовостиTelegram
2019 წლის აგვისტოში საქართველოს ხელისუფლებამ განაცხადა, რომ ქვეყანამ მავნებელი საბოლოოდ დაამარცხა. თუმცა პროფილაქტიკური სამუშაოები კვლავ გრძელდება.
თბილისი, 5 სექტემბერი – Sputnik. ხობის მუნიციპალიტეტში აზიური ფაროსანას საწინააღმდეგოდ ტერიტორიები თერმული ნისლით მუშავდება, ნათქვამია სურსათის ეროვნული სააგენტოს მიერ გავრცელებულ ინფორმაციაში.
საქართველოში აზიური ფაროსანა 2015 წელს გამოჩნდა და მაშინ ციტრუსისა და თხილის მოსავლის დიდი ნაწილი გაანადგურა.

„სურსათის ეროვნული სააგენტოს აზიურ ფაროსანასთან ბრძოლის საკოორდინაციო მართვის ცენტრი მავნებლის საწინააღმდეგო ღონისძიებებს დასავლეთ საქართველოს რეგიონებში სხვადასხვა მიმართულებით ახორციელებს. სამეგრელოში ტერიტორიები თერმული ნისლით მუშავდება“, – აღნიშნულია ინფორმაციაში.

უწყების ცნობით, ხობის მუნიციპალიტეტის სოფელ საჯიჯაოში სპეცტექნიკითა და უსაფრთხოების წესების სრული დაცვით მიმდინარეობს სოფლის გარე პერიმეტრების დამუშავება. უკვე დამუშავებულია 480 ჰა ტერიტორია.
„მავნებელთან ბრძოლის ღონისძიებები მეფუტკრე-ფერმერებთან აქტიური თანამშრომლობითა და კოორდინაციით ტარდება. აღნიშნულ სოფელში სიმინდის მასივები ცივი შესხურების ტექნოლოგიით უკვე შეიწამლა“, – აღნიშნავენ უწყებაში.
აზიური ფაროსანას წინააღმდეგ საქართველოს მთავრობამ სპეციალური პროექტი შეიმუშავა, რომელიც სამ ძირითად მიმართულებას მოიცავს: აქტიური საინფორმაციო კამპანია, სრულმასშტაბიანი მონიტორინგი და ქიმიური შეწამვლა. საქართველოს მავნებელთან ბრძოლის მეთოდი მსოფლიოში ერთ-ერთი სამაგალითოა, შესაბამისად, ქვეყანა საკუთარ გამოცდილებას სხვადასხვა ქვეყნებს უზიარებს.
2019 წლის აგვისტოში საქართველოს ხელისუფლებამ განაცხადა, რომ ქვეყანამ მავნებელი საბოლოოდ დაამარცხა. თუმცა პროფილაქტიკური სამუშაოები კვლავ გრძელდება.
ყველა ახალი ამბავი
0