Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თენგიზ ცერცვაძე: კოვიდ-სიტუაცია კონტროლირებადია

© photo: Sputnik / Stringerსასწრაფო დახმარება
სასწრაფო დახმარება - Sputnik საქართველო, 1920, 05.09.2022
გამოწერა
НовостиTelegram
ინფექციონისტის თქმით, საქართველოში შემცირდა კორონავირუსით ინფიცირების დღიური მაჩვენებელი.
თბილისი, 5 სექტემბერი — Sputnik. ქართველი მედიკოსები ბოლო ხუთი თვის განმავლობაში კორონავირუსს მართავენ როგორც ჩვეულებრივ რესპირაციულ ინფექციას, განაცხადა თბილისის ინფექციური საავადმყოფოს დირექტორმა თენგიზ ცერცვაძემ.
პანდემიის დაწყებიდან დღემდე საქართველოში ინფიცირების 1.749.419 შემთხვევაა დაფიქსირებული. გასულ კვირაში ინფექცია 14.486-მა ადამიანმა დაამარცხა. ბოლო შვიდ დღეში კორონავირუსით გამოწვეული გართულებით გარდაიცვალა სამი პაციენტი, პანდემიის დაწყებიდან დღემდე კი 16.892.

„ჩვენ შევძელით მიგვეღწია ჩვენი ერთ-ერთი მთავარი მიზნისთვის, ჩვენ შევძელით კოვიდის, როგორც ერთ-ერთი რიგითი რესპირაციული ინფექციის მართვა“, – განაცხადა ცერცვაძემ.

მისი თქმით, იმ პაციენტების მდგომარეობა, რომლებმაც დროულად ჩაიტარეს ტესტი და მიიღეს პრეპარატი „პაქსლოვიდი“ ან „რემდესივირი“, არ გაუარესებულა, ასევე არ დაფიქსირებულა ლეტალობის შემთხვევები.
„ბოლო ოთხი თვის განმავლობაში საქართველოში კოვიდ-ინფიცირებულთა გარდაცვალების შემთხვევების რაოდენობა პრაქტიკულად იგივეა, რაც გრიპის ეპიდემიის დროს“, – განაცხადა ცერცვაძემ.
როგორც ცერცვაძემ აღნიშნა, საქართველოში შემცირდა კორონავირუსით ინფიცირების დღიური მაჩვენებელი, რაც დადებითი ტენდენციაა.
ეს იმას ნიშნავს, რომ საქართველოში კოვიდ-ავადმყოფების უსაფრთხოება აბსოლუტურად დაცულია. არცერთი ავადმყოფი არ რჩება მკურნალობის გარეშე.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
ყველა ახალი ამბავი
0