საქართველოს მოქალაქე ტერორისტებთან კავშირის გამო პოლონეთიდან გააძევეს

© photo: Sputnik / Alexey Vitvitsky
  - Sputnik საქართველო, 1920, 04.09.2022
გამოწერა
НовостиTelegram
საქართველოს მოქალაქე ეჭვმიტანილია პოლონეთის გავლით დასავლეთ ევროპაში არაბული წარმოშობის პირთა არალეგალური მიგრაციის ორგანიზებაში
თბილისი, 4 სექტემბერი - Sputnik. პოლონეთიდან ტერორისტებთან კავშირის გამო საქართველოს მოქალაქის დეპორტაცია განხორციელდა, იუწყება პოლონეთის შინაგანი უსაფრთხოების სააგენტო.
„შინაგანი უსაფრთხოების სააგენტოს თანამშრომლებმა, სასაზღვრო დაცვასთან თანამშრომლობით დააკავეს და შემდეგ წარმოშობის ქვეყანაში გააძევეს საქართველოს მოქალაქე მამუკა ტ., იგივე აბუბაქარ ტ.“, - ნათქვამია განცხადებაში.
მამაკაცი ეჭვმიტანილია „ტერორისტულ საქმიანობაში განახორციელოს პოლონეთის რესპუბლიკის ტერიტორიაზე“. მას სამშობლოში დაბრუნება დაეკისრა და შენგენის ზონაში შესვლა 5 წლის ვადით აეკრძალა, იტყობინება РИА Новости.
შინაგანი უსაფრთხოების სააგენტომ ანტიტერორისტული ღონისძიებების ფარგლებში დაადგინა, რომ „მამუკა ტ. კავშირში იყო ტერორისტულ საქმიანობაში ჩართულ პირებთან და შესაძლოა თავადაც მონაწილეობდა შეიარაღებულ კონფლიქტში ე.წ. „ისლამური სახელმწიფოს“ მხარეს (აკრძალულია რუსეთის ფედერაციაში, როგორც ტერორისტული ორგანიზაცია).
„მამაკაცი ასევე იყო ჩართული კრიმინალურ საქმიანობაში, მათ შორის ნარკოტიკებთან დაკავშირებულ დანაშაულებსა და გამოძალვაში“, - ნათქვამია მოხსენებაში.
გარდა ამისა, პოლონეთის სპეცსამსახურების ცნობით, მან „ორგანიზება გაუწია არაბული წარმოშობის პირთა უკანონო მიგრაციას პოლონეთის რესპუბლიკის ტერიტორიის გავლით დასავლეთ ევროპაში“.
ყველა ახალი ამბავი
0