კვარაცხელიამ „ნაპოლის“ შემადგენლობაში მეოთხე გოლი გაიტანა

© SSC Napoli/Ciro Sarpa/Gettyხვიჩა კვარაცხელია
ხვიჩა კვარაცხელია - Sputnik საქართველო, 1920, 04.09.2022
გამოწერა
НовостиTelegram
ქართველმა ფეხბურთელმა ჯგუფში „ნაპოლის“ გალიდერებაში მაქსიმალური წვლილი შეიტანა
თბილისი, 4 სექტემბერი — Sputnik. საქართველოს ნაკრებისა და იტალიური „ნაპოლის“ თავდამსხმელმა ხვიჩა კვარაცხელიამ სერია А-ს მეხუთე ტურში „ლაციოს“ გაუტანა და თავის კლუბს გამარჯვება მოუტანა - 1:2.
ეს ქართველი ფეხბურთელის უკვე მეოთხე გოლია „ნაპოლის“ შემადგენლობაში. ხვიჩამ „ლაციოს“ კარი 61-ე წუთზე ზამბო ანგისას პასის შემდეგ აიღო და გუნდი დააწინაურა. ეს გოლი შეხვედრის გადამწყვეტი ეპიზოდი აღმოჩნდა.
68-ე წუთზე ქართველი თავდამსხმელი ჯაკომო რასპრადორიმ შეცვალა. მატჩი „ნაპოლის“ მოგებით დასრულდა – 1:2 და 5 ტურის შემდეგ 11 ქულით სერია А-ში გალიდერდა. ამდენივე ქულა აქვს „მილანს“, მაგრამ „ნაპოლი“ დამატებითი მაჩვენებლებით პირველია.
ქართველი თავდამსხმელი კი 5 მატჩში 4 გოლით და 1 საგოლე გადაცემით კიდევ ორ ფეხბურთელთან ერთად ბომბარდირებში ლიდერობს.
„ნაპოლის“ შემადგენლობაში ხვიჩას დებიუტი, პირველი გოლი და საგოლე პასი 15 აგვისტოს „ვერონას“ წინააღმდეგ მატჩში შედგა. შედეგად „ნაპოლიმ“ სერია А-ს პირველ ტურში ანგარიშით 5:2 მოიგო. კიდევ ორი გოლი „მონცას“ კარში 21 აგვისტოს შეაგდო,
საქართველოს ნაკრების 21 წლის თავდამსხმელმა აპრილში „ნაპოლისთან“ 5-წლიანი კონტრაქტი გააფორმა. ხვიჩა კვარაცხელია მესამე ქართველი ფეხბურთელია კახა კალაძისა და ლევან მჭედლიძის შემდეგ, რომელიც იტალიის სერია A-ში ასპარეზობს.
ყველა ახალი ამბავი
0