მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

IAEA-ს გენდირექტორმა ზაპოროჟიეს ატომურ სადგურზე მისიის მთავარი მიზანი დაასახელა

© AFP 2022 / GENYA SAVILOVრაფაელ გროსი
რაფაელ გროსი - Sputnik საქართველო, 1920, 01.09.2022
გამოწერა
НовостиTelegram
რაფაელ გროსი ატომური ელექტროსადგურის თანამშრომლებს შეხვდა.
თბილისი, 1 სექტემბერი – Sputnik. ატომური ენერგეტიკის საერთაშორისო სააგენტოს (IAEA) მისიის მიზანია ზაპოროჟიეს ატომური ელექტროსადგურის ბირთვული ავარიისგან დაცვა, განაცხადა ორგანიზაციის გენერალურმა დირექტორმა რაფაელ გროსიმ სადგურის თანამშრომლებთან შეხვედრაზე.
„ჩვენ ყველას ერთი მიზანი გვაქვს – სადგურის დაცვა ბირთვული ავარიისგან“, – განაცხადა IAEA-ს ხელმძღვანელმა.
გროსის თქმით, „უნდა მოიძებნოს შესაძლებლობა და მოლაპარაკება ყველა მხარესთან მოხდეს“.
IAEA-ს გენერალურმა დირექტორმა რაფაელ გროსიმ ზაპოროჟიეში ჩასვლისას დაბეჯითებით განაცხადა, რომ მისიის უსაფრთხოდ შესრულება შესაძლებელია. ქალაქ ენერგოდარის ადმინისტრაციის უფროსმა ალექსანდრ ვოლგამ განაცხადა, რომ ქალაქის ტერიტორიაზე უკრაინული დესანტი გადმოსხეს, მიმდინარეობს სროლა.
ზაპოროჟიეს ატომური ელექტროსადგური მდებარეობს მდინარე დნეპრის მარცხენა ნაპირზე, ქალაქ ენერგოდართან. ბლოკების მიხედვით ეს ევროპაში ყველაზე დიდი და ყველაზე ძლიერი ატომური ელექტროსადგურია. მარტიდან სადგურს რუსი სამხედროები იცავენ. რუსეთის საგარეო საქმეთა სამინისტროში განმარტეს, რომ ეს აუცილებელია ბირთვული და რადიოაქტიური მასალების გაჟონვის თავიდან ასაცილებლად.
რუსული მხარის ცნობით, უკრაინული ქვედანაყოფები აგრძელებენ ენერგოდარის, მიმდებარე სოფლების და ზაპოროჟიეს ატომური ელექტროსადგურის ტერიტორიის დაბომბვას.
ყველა ახალი ამბავი
0