დათვრა და ხანძარი გააჩინა: მამაკაცს ბრალი ცეცხლის წაკიდებაში ედება

© Sputnik / STRINGERხანძარი სოფელში
ხანძარი სოფელში - Sputnik საქართველო, 1920, 01.09.2022
გამოწერა
НовостиTelegram
დანაშაული 6-დან 10 წლამდე თავისუფლების აღკვეთას ითვალისწინებს.
თბილისი, 1 სექტემბერი – Sputnik. საქართველოს პროკურატურამ ქარელის რაიონის მკვიდრს საცხოვრებელი სახლებისთვის ცეცხლის წაკიდების ფაქტზე ბრალდება წარუდგინა.
ბრალდების მხარის შუამდგომლობის საფუძველზე ბრალდებულს აღკვეთის ღონისძიების სახით სასამართლომ პატიმრობა უკვე შეუფარდა.
შინაგან საქმეთა სამინისტროს მიერ ჩატარებული გამოძიებით დადგინდა, რომ 28 აგვისტოს ქარელის რაიონის სოფელ ელბაქიანთკარში ნასვამ მდგომარეობაში მყოფმა ბრალდებულმა ნარჩენების განადგურების მიზნით საკუთარი საცხოვრებელი სახლის ეზოში ცეცხლი დაანთო.

მიუხედავად იმისა, რომ თანასოფლელებმა ხანძრის გაჩენის გამო მოსალოდნელ მძიმე შედეგებზე გააფრთხილეს და ცეცხლის ჩაქრობა სთხოვეს, ცეცხლი არ ჩააქრო, ხოლო დასახმარებლად მისული მეზობლები სახლიდან გაყარა.

ცეცხლი ფართო ტერიტორიაზე გავრცელდა, რის შედეგადაც დაიწვა სოფელში მდებარე 300 ათასი ლარის ღირებულების 6 სახლი, დამხმარე სათავსოები და ხეხილის ბაღები.
სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 187-ე მუხლის მე-2 ნაწილის „ა“ ქვეპუნქტით და მე-3 ნაწილებით წარედგინა, რაც გულისხმობს ცეცხლის წაკიდებით სხვისი ნივთის დაზიანებას და განადგურებას, რამაც მძიმე შედეგი გამოიწვია.
დანაშაული 6-დან 10 წლამდე თავისუფლების აღკვეთას ითვალისწინებს.
ყველა ახალი ამბავი
0