სერბეთის პროტესტი: რუსეთის საგარეო უწყებამ ლავროვის ნათქვამზე კომენტარი გააკეთა

© photo: Sputnik / Maxim Blinov
  - Sputnik საქართველო, 1920, 30.08.2022
გამოწერა
НовостиTelegram
თბილისი, 30 აგვისტო — Sputnik. რუსეთი არ ცდილობს ბოროტად გამოიყენოს სერბეთთან მეგობრული ურთიერთობა, ოფიციალური პირების განცხადებები არ იძლევა იმის საფუძველს, რომ მოსკოვი საპირისპიროში დავადანაშაულოთ, აცხადებს რუსეთის საგარეო საქმეთა სამინისტრო.
მანამდე სერბეთის ვიცე-პრემიერმა ზორანა მიხაილოვიჩმა განაცხადა, რომ რუსეთის საგარეო საქმეთა მინისტრი სერგეი ლავროვი „ბოროტად იყენებს ბელგრადის უარს რუსეთის წინააღმდეგ სანქციების დაწესებაზე" და ამას უკრაინაში სამხედრო მოქმედებების მხარდაჭერად აფასებს, რაც რეალურად ასე არ არის. მიხაილოვიჩმა ეს მკაცრი შენიშვნა სერბეთის შინაგან საქმეთა მინისტრის ალექსანდრ ვულინის მოსკოვში ყოფნისას გააკეთა, რა დროსაც ლავროვმა აღნიშნა, რომ მოსკოვი და ბელგრადი თანმიმდევრულად იცავენ სახელმწიფოთა განუყოფლობისა და თანაბარი უსაფრთხოების პრინციპებს როგორც „ბალკანეთში, ისე უკრაინაში დასავლეთის მიერ პროვოცირებულ სიტუაციაში“.

„რუსი ოფიციალური პირების შეფასებები და განცხადებები არავის აძლევს საფუძველს და უფლებას, გაგვკიცხოს ინსინუაციებისთვის, სერბეთის ტრადიციულად მეგობრული, პატიოსანი ურთიერთობების „ბოროტად გამოყენების“ მცდელობისთვის, რომელიც უცვლელად იგება თანასწორობაზე, პატივისცემასა და ურთიერთგაგებაზე“, — განაცხადეს რუსეთის საგარეო უწყებაში.

როგორც სამინისტროში აღნიშნეს, რუსეთი „პატივს სცემს ბელგრადის სურვილს, ამ რთულ პირობებში შეინარჩუნოს დაბალანსებული და, რაც მთავარია, დამოუკიდებელი ხაზი“. მათი თქმით, ასეთი დაბალანსებული მიდგომა დასავლეთის სანქციების პოლიტიკის მიმართ სერბეთის ხელმძღვანელობის თავშეკავებულ დამოკიდებულებაში აისახება, რომელსაც პრინციპულად არ სურს მასში მონაწილეობა საკუთარი ინტერესების საზიანოდ.
ყველა ახალი ამბავი
0