მოძრავი სერვისი: შემოსავლების სამსახური მოსახლეობას რეგიონებში მოემსახურება

© courtesy of Revenue Serviceშემოსავლების სამსახურის მიკროავტობუსი RS CAR
შემოსავლების სამსახურის მიკროავტობუსი RS CAR - Sputnik საქართველო, 1920, 30.08.2022
გამოწერა
НовостиTelegram
შემოსავლების სამსახურის მიკროავტობუსები აღჭურვილია შესაბამისი ტექნიკით და მათ რეგიონების მოსახლეობისთვის გადასახადებთან დაკავშირებული ყველა საჭირო მომსახურების გაწევა შეუძლიათ.
თბილისი, 30 აგვისტო — Sputnik. საქართველოს ფინანსთა სამინისტროს შემოსავლების სამსახურის მიკროავტობუსები - RS CAR გადასახადის გადამხდელებს რეგიონებში 5-დან 26 სექტემბრამდე პერიოდში მოემსახურებიან.

როგორც უწყების განცხადებაშია აღნიშნული, შემოსავლების სამსახურის მოძრავი სერვის-ცენტრი - RS CAR გადასახადის გადამხდელებს 17 ლოკაციაზე მოემსახურება იმ რეგიონებში, სადაც შემოსავლების სამსახურის სერვის-ცენტრები არ არის გახსნილი.

მიკროავტობუსი აღჭურვილია შემოსავლების სამსახურის სერვის-ცენტრებში არსებული ტექნიკური საშუალებებით და გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება.
გადასახადების გადამხდელებს შესაძლებლობა ექნებათ მიიღონ სხვადასხვა სახის მომსახურება: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდით სარგებლობის მიზნით ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. შესაძლებელი იქნება ასევე მაღალმთიანი დასახლების საწარმოს სტატუსის მინიჭების, შეჩერების ან შეწყვეტის თაობაზე განცხადებების მიღება.
მოძრავი სერვის-ცენტრი ასევე შეძლებს საგადასახადო დავალიანების, გადამხდელის რეგისტრაციის, შემოსავლებისა და სხვა ცნობების გაცემას.
https://rs.ge/NewsArchive?newsId=756 - ამ ბმულზე შესაძლებელია RS CAR-ის მომსახურების თარიღების, მისამართებისა და სამუშაო საათების გაცნობა.
ყველა ახალი ამბავი
0