https://sputnik-georgia.com/20220827/kulturis-saministro-borjomsi-unikaluri-freskebi-ar-dazianebula-269816601.html
კულტურის სამინისტრო: ბორჯომში უნიკალური ფრესკები არ დაზიანებულა
კულტურის სამინისტრო: ბორჯომში უნიკალური ფრესკები არ დაზიანებულა
Sputnik საქართველო
სტიქიის ადგილზე იმყოფება კულტურული მემკვიდრეობის დაცვის ეროვნული სააგენტოს წარმომადგენელი, რომელიც ადგილზე ახორციელებს მონიტორინგს, აცხადებენ სამინისტროში
2022-08-27T13:00+0400
2022-08-27T13:00+0400
2022-08-27T13:00+0400
ახალი ამბები
საქართველო
შემთხვევები საქართველოში
კულტურა საქართველოში
ქართული კულტურული მემკვიდრეობის ძეგლები
https://cdnn1.img.sputnik-georgia.com/img/07e6/08/17/269695429_0:158:3077:1889_1920x0_80_0_0_d33437bee4ac60f331adccaaafdbe852.jpg
თბილისი, 27 აგვისტო – Sputnik. ბორჯომის ხეობაში შუა საუკუნეებში აგებული კვირიკეწმინდის ტაძარი ხანძრის დროს არ დაზიანებულა, იუწყება კულტურის სამინისტრო.უწყება ეხმაურება მედიაში გავრცელებულ ინფორმაციას, თითქოს ტაძარში არსებული მე-10 საუკუნით დათარიღებული კედლის მხატვრობა განადგურდა.როგორც აღინიშნა, რომ ბორჯომის მუნიციპალიტეტში, სტიქიის ადგილზე იმყოფება საქართველოს კულტურული მემკვიდრეობის დაცვის ეროვნული სააგენტოს წარმომადგენელი, რომელიც ადგილზე სწავლობს ვითარებას და ახორციელებს მონიტორინგს.სამინისტროს განცხადებით, სახელმწიფო უწყებები ატარებენ ყველა შესაბამის ღონისძიებას, რათა მინიმუმამდე შემცირდეს სტიქიით მიყენებული ზიანი და თავიდან იქნეს აცილებული კულტურული მემკვიდრეობის ძეგლების თუ სტრატეგიული ობიექტების დაზიანება.უწყება მოუწოდებს მედიასაშუალებებს, თავი შეიკავონ მცდარი და გადაუმოწმებელი ინფორმაციის გავრცელებისგან.კვირიკეწმინდის სამონასტრო კომპლექსის ნაწილობრივ დანგრეული ტაძარი, იგივე საკვირიკე, წარმადგენს ბაზილიკას, ბორჯომის მუნიციპალიტეტის სოფელ ქვაბისხევთან მდებარეობს. სწორედ ამ ტერიტორიაზე გაჩნდა ფართომასშტაბიანი ხანძარი 19 აგვისტოს. ძლიერი ქარის და რთული რელიეფის გამო ხანძრის სრული ლიკვიდაცია ჯერჯერობით ვერ ხერხდება.ცოცხალ ძალასთან ერთად სამუშაოებში ჩართულია სასაზღვრო პოლიციის 4 ვერტმფრენი და თურქეთის სამი სახანძრო თვითმფრინავი.არსებული ინფორმაციით, ხანძარი 180 ჰექტარის ფართობზე გავრცელდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
კულტურა სამინისტრო ბორჯომი უნიკალური ფრესკები კვირიკეწმინდა ხანძარი დაზიანება
კულტურა სამინისტრო ბორჯომი უნიკალური ფრესკები კვირიკეწმინდა ხანძარი დაზიანება
კულტურის სამინისტრო: ბორჯომში უნიკალური ფრესკები არ დაზიანებულა
სტიქიის ადგილზე იმყოფება კულტურული მემკვიდრეობის დაცვის ეროვნული სააგენტოს წარმომადგენელი, რომელიც ადგილზე ახორციელებს მონიტორინგს, აცხადებენ სამინისტროში
თბილისი, 27 აგვისტო – Sputnik. ბორჯომის ხეობაში შუა საუკუნეებში აგებული კვირიკეწმინდის ტაძარი ხანძრის დროს არ დაზიანებულა, იუწყება კულტურის სამინისტრო.
უწყება ეხმაურება მედიაში გავრცელებულ ინფორმაციას, თითქოს ტაძარში არსებული მე-10 საუკუნით დათარიღებული კედლის მხატვრობა განადგურდა.
„ძეგლის შიგნით და მის გარშემო არ შეცვლილა ხანძრამდე არსებული მდგომარეობა. ასევე უნდა აღინიშნოს, რომ შინაგან საქმეთა სამინისტროს საგანგებო სიტუაციების მართვის სამსახურის მიერ მოწოდებული ინფორმაციის თანახმად, ტაძრის მიმდებარე ტერიტორიაზე არ არის ცეცხლის კერები; დროდადრო აღინიშნება მხოლოდ დაკვამლიანება“, - განაცხადეს კულტურის სამინისტროში.
როგორც აღინიშნა, რომ ბორჯომის მუნიციპალიტეტში, სტიქიის ადგილზე იმყოფება საქართველოს კულტურული მემკვიდრეობის დაცვის ეროვნული სააგენტოს წარმომადგენელი, რომელიც ადგილზე სწავლობს ვითარებას და ახორციელებს მონიტორინგს.
სამინისტროს განცხადებით, სახელმწიფო უწყებები ატარებენ ყველა შესაბამის ღონისძიებას, რათა მინიმუმამდე შემცირდეს სტიქიით მიყენებული ზიანი და თავიდან იქნეს აცილებული კულტურული მემკვიდრეობის ძეგლების თუ სტრატეგიული ობიექტების დაზიანება.
უწყება მოუწოდებს მედიასაშუალებებს, თავი შეიკავონ მცდარი და გადაუმოწმებელი ინფორმაციის გავრცელებისგან.
კვირიკეწმინდის სამონასტრო კომპლექსის ნაწილობრივ დანგრეული ტაძარი, იგივე საკვირიკე, წარმადგენს ბაზილიკას, ბორჯომის მუნიციპალიტეტის სოფელ ქვაბისხევთან მდებარეობს. სწორედ ამ ტერიტორიაზე გაჩნდა ფართომასშტაბიანი ხანძარი 19 აგვისტოს. ძლიერი ქარის და რთული რელიეფის გამო ხანძრის სრული ლიკვიდაცია ჯერჯერობით ვერ ხერხდება.
ცოცხალ ძალასთან ერთად სამუშაოებში ჩართულია სასაზღვრო პოლიციის 4 ვერტმფრენი და თურქეთის სამი სახანძრო თვითმფრინავი.
არსებული ინფორმაციით, ხანძარი 180 ჰექტარის ფართობზე გავრცელდა.
