სარფის საბაჟოზე დიდი ოდენობით არადეკლარირებული ოქროს შემოტანა აღკვეთეს

© Sputnik / Alexander Imedashvili„სარფის" საბაჟო
„სარფის საბაჟო - Sputnik საქართველო, 1920, 26.08.2022
გამოწერა
НовостиTelegram
გამოვლენილი საქონლის საერთო საბაჟო ღირებულება 45.833,08 ლარს შეადგენს.
თბილისი, 26 აგვისტო – Sputnik. ფინანსთა სამინისტროს შემოსავლების სამსახურის მებაჟე ოფიცრებმა გამშვებ პუნქტ „სარფში" განსაკუთრებით დიდი ოდენობით არადეკლარირებული ოქროს საიუველირო ნაკეთობები გამოავლინეს, ნათქვამია უწყების მიერ გავრცელებულ ინფორმაციაში.
არადეკლარირებული 515,66 გრამი ოქროს საიუველირო ნაკეთობები საბაჟო-გამშვებ პუნქტში მებაჟეებმა ეჭვის საფუძველზე საქართველოს მოქალაქის ფიზიკური დათვალიერების შედეგად, სპეციალურად მოწყობილ სამალავებში აღმოაჩინეს.
საქონლის საერთო საბაჟო ღირებულებამ 45.833,08 ლარი შეადგინა.
საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეგზავნა.
ყველა ახალი ამბავი
0