მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

კანადა „გაზპრომისთვის“ ყველა ტურბინის დაბრუნებას გეგმავს

© photo: Sputnik / Dmitry lel'chuk / გადასვლა მედიაბანკში
  - Sputnik საქართველო, 1920, 25.08.2022
გამოწერა
НовостиTelegram
თბილისი, 25 აგვისტო — Sputnik. კანადა კვლავინდებურად გეგმავს გადასცეს გერმანიას „ჩრდილოეთის ნაკადი-1“-ის ხუთი ტურბინა, რომლებიც ამ დროისათვის მონრეალში რემონტდება, განაცხადა კანადის საგარეო საქმეთა მინისტრმა მელანი ჟოლიმ CBC-სთან ინტერვიუში.
მისი თქმით, ოტავა არ ცვლის ამ გადაწყვეტილებას მიუხედავად იმისა, რომ „გაზპრომმა“ მანამდე უარი თქვა Siemens-ის ერთი ტურბინის მიღებაზე, რომელიც ამ დროისათვის უკვე გერმანიაშია.

„ეს არის ზუსტად ის, რაც გერმანიამ გვთხოვა", — თქვა ჟოლიმ.

აღსანიშნავია, რომ უკრაინა უკმაყოფილოა ოტავის გადაწყვეტილებით და მოუწოდებს კანადას, გადახედოს მას.
ივლისში კანადის ხელისუფლებამ მონრეალში შეკეთებული ერთი ტურბინა უკვე გაგზავნა გერმანიაში, საიდანაც ის „გაზპრომს“ უნდა გადასცემოდა. თუმცა, როგორც „დოიჩე ველე“ წერს, რუსულმა სახელმწიფო კომპანიამ უარი თქვა მის მიღებაზე და ამის მიზეზად რემონტის შესახებ ინფორმაციის ნაკლებობა დაასახელა.
რუსული მხარის განცხადებით კი, ოტავის მიერ ტურბინის გერმანიაში გაგზავნის გადაწყვეტილება არ შეესაბამება კონტრაქტის პირობებს. რუსეთი მოითხოვს იმის ოფიციალურ დადასტურებას, რომ ტურბინა და მისი დეტალები კანადის, დიდი ბრიტანეთისა და ევროკავშირის რესტრიქციების საგანი არ გახდება.
წყარო: CBC
ყველა ახალი ამბავი
0