NASA-მ შავი ხვრელის შემზარავი ხმების ჩანაწერი გამოაქვეყნა: მოუსმინეთ აუდიოს
13:40 24.08.2022 (განახლებულია: 17:38 03.08.2023)
© Pixabay / geralt
გამოწერა
თბილისი, 24 აგვისტო — Sputnik. აშშ-ის აერონავტიკისა და კოსმოსური სივრცის კვლევის სააგენტომ (NASA) თავის Twitter-აკაუნტზე იმ შავი ხვრელის ხმების აუდიოჩანაწერი გამოაქვეყნა, რომელიც დედამიწიდან დაახლოებით 200 მლნ სინათლის წლით დაშორებულ პერსევსის თანავარსკვლავედში მდებარეობს.
როგორც NASA წერს, ეს „კოსმოსის ნამდვილი ხმაა“.
„მცდარი წარმოდგენა იმის შესახებ, რომ კოსმოსში ხმები არ არის, იმის გამო ჩნდება, რომ კოსმოსის უმეტესი ნაწილი ვაკუუმია, რომელიც ბგერის ტალღებს გავრცელების საშუალებას არ აძლევს. მაგრამ გალაქტიკათა გროვაში იმდენად ბევრი გაზია, რომ ჩვენ კოსმოსის ნამდვილი ხმა დავიჭირეთ“, — აცხადებენ NASA-ში.
როგორც სააგენტოში განმარტავენ, ჩანაწერში ეს ხმები გაძლიერებულია, რათა შავი ხვრელის მოსმენა შესაძლებელი იყოს.
The misconception that there is no sound in space originates because most space is a ~vacuum, providing no way for sound waves to travel. A galaxy cluster has so much gas that we've picked up actual sound. Here it's amplified, and mixed with other data, to hear a black hole! pic.twitter.com/RobcZs7F9e
— NASA Exoplanets (@NASAExoplanets) August 21, 2022
პერსევსის თანავარსკვლავედი არის გალაქტიკათა ჯგუფი, რომლის სიგანეც 11 მილიონი სინათლის წელია და რომელიც ცხელი გაზითაა დაფარული. გაზის ღრუბლებთან შავი ხვრელის სიახლოვის გამო ბგერის ტალღების რყევები გაზის ჭავლის სახით ჩნდება.
2003 წელს NASA-ს რენტგენული ობსერვატორია „ჩანდრას“ ასტრონომთა ჯგუფმა ამ ჭავლის შესახებ ასტრონომიული მონაცემები შეაგროვა და ისინი ბგერებად გარდაქმნა. მაგრამ ადამიანის ყურმა ვერ დაიჭირა ეს ხმები. ამიტომ სპეციალისტებმა ბგერითი მონაცემები 57 და 58 ოქტავით გაზარდეს, რათა ადამიანებს მასიური შავი ხვრელის ხმები გაეგოთ.
აღსანიშნავია, რომ NASA-ს ჩანაწერმა Twitter-ზე მწვავე დისკუსია გამოიწვია. კომენტარებში ბევრმა მომხმარებელმა აღნიშნა, რომ შავი ხვრელის ხმები შემზარავად და შემაძრწუნებლად ჟღერს.
