მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მამაკაცებს შორის სექსი აღარ დაისჯება: ქვეყანა კოლონიალურ ნორმას აუქმებს

© AFP 2022 / Michal Cizek
  - Sputnik საქართველო, 1920, 22.08.2022
გამოწერა
НовостиTelegram
თბილისი, 22 აგვისტო — Sputnik. მთავრობა გააუქმებს სისხლის სამართლის კოდექსის ნორმას, რომელიც მამაკაცებს შორის სექსუალური კავშირის გამო ორი წლით პატიმრობას ითვალისწინებს, განაცხადა სინგაპურის პრემიერ-მინისტრმა ლი სიან ლუნმა.
მისი თქმით, აღნიშნული კანონი კოლონიალური ეპოქის გადმონაშთია და ადამიანები უფრო მეტად შემწყნარებლები ხდებიან გეების მიმართ.

„მიმაჩნია, რომ ეს სწორი ნაბიჯია და სინგაპურელების უმეტესობა მიიღებს მას“, — განაცხადა ლუნმა ეროვნული დღისადმი მიძღვნილ შეკრებაზე.

ამასთან პრემიერ-მინისტრმა ხაზი გაუსვა, რომ მთავრობა არ გეგმავს ქორწინების, როგორც ქალისა და მამაკაცის კავშირის იურიდიული განმარტების შეცვლას.
სინგაპურის კანონმდებლობაში მამაკაცებს შორის სექსუალური კავშირის გამო ორწლიანი პატიმრობის მუხლი მას შემდეგაც დარჩა, რაც მან 1965 წელს დამოუკიდებლობა მოიპოვა დიდი ბრიტანეთისგან. რაც შეეხება ქალთა შორის სექსუალურ კავშირს, სინგაპურის კანონმდებლობა ამაზე სასჯელს არ ითვალისწინებს.
წყარო: France 24
ყველა ახალი ამბავი
0