კალაძე: ყველაფერს გავაკეთებთ, რომ ქვეყანაში იყოს მშვიდობა

© press-service of Georgian Dreamკახა კალაძე
კახა კალაძე - Sputnik საქართველო, 1920, 22.08.2022
გამოწერა
НовостиTelegram
ოპოზიციის ნაწილის სურვილი, რომ გადატრიალება მოაწყოს, მარცხისთვისაა განწირული, განაცხადა მმართველი პარტიის გენერალურმა მდივანმა.
თბილისი, 22 აგვისტო – Sputnik. არავის გამოუვა ქვეყანაში არეულობის მოწყობა – ხელისუფლება ყველაფერს გააკეთებს, რომ ქვეყანაში მშვიდობა იყოს, განაცხადა მმართველი პარტია „ქართული ოცნების" გენერალურმა მდივანმა, თბილისის მერმა კახა კალაძემ.
შემოდგომაზე აქციების ჩატარების შესახებ განაცხადეს „ერთიანმა ნაციონალურმა მოძრაობამ“ და სამოქალაქო მოძრაობა „სირცხვილიამ“. აქციების მიზეზი ხელისუფლების მიმართ პრეტენზიებია ევროკავშირის წევრობის კანდიდატის სტატუსის მისაღებად პირობების შესრულებასთან დაკავშირებით.

„ყველასთვის ცხადია, რომ „ნაციონალური მოძრაობა“ არის დაჯგუფება, რომლის სურვილია ქვეყანაში არეულობა და რევოლუცია მოხდეს. ეს არ არის ჩემი მოგონილი. ეს არის მათი პირდაპირი განცხადებები, მათი სატელევიზიო ნარატივი, თუმცა არავის გამოუვა ქვეყანაში არეულობის შემოტანა. ჩვენ ყველაფერს გავაკეთებთ, რომ ქვეყანაში იყოს მშვიდობა“, – განუცხადა კალაძემ ჟურნალისტებს.

მისი თქმით, ოპოზიციის ნაწილის სურვილი, რომ ქვეყანაში ხელისუფლება დაამხოს, მარცხისთვის არის განწირული.
„ხელისუფლების ცვლილებები ამ ქვეყანაში მოხდება მხოლოდ და მხოლოდ არჩევნების გზით, როგორც ეს ყველა ნორმალურ, განვითარებულ სახელმწიფოში ხდება. სხვა სურვილები, რომ ვიღაცამ გადატრიალება მოაწყოს, სადღაც შევარდეს, ეს ყველაფერი განწირულია მარცხისთვის“, – განაცხადა კალაძემ.
მანამდე რამდენიმე ოპოზიციური პარტიის ლიდერებმა განაცხადეს, რომ ხელისუფლებისადმი დაუმორჩილებლობის გამოცხადებას გეგმავენ. უფრო მეტიც, „გირჩი – მეტი თავისუფლების“ ლიდერმა ზურაბ ჯაფარიძემ განაცხადა, რომ ის და მისი თანამოაზრეები მზად არიან, ბევრ რამეზე წავიდნენ, მათ შორის, შენობის აღებაზე.
ყველა ახალი ამბავი
0