არჩევნები საქართველოში: რა ხდება სენაკში

© photo: Sputnik / Stringerცესკო. არჩევნები-2021. შედეგები
ცესკო. არჩევნები-2021. შედეგები - Sputnik საქართველო, 1920, 20.08.2022
გამოწერა
სენაკში მაჟორიტარი დეპუტატის არჩევნები 1 ოქტომბერს სამ უბანზე გაიმართება
თბილისი, 20 აგვისტო – Sputnik. სენაკში მაჟორიტარი დეპუტატის არჩევნებში მონაწილეობის მისაღებად უკვე სამი პარტია დარეგისტრირდა, ნათქვამია ცენტრალური საარჩევნო კომისიის მასალებში.
ცესკოს გადაწყვეტილებით, სენაკის 64-ე მაჟორიტარული ოლქის სამ უბანზე არჩევნები 1 ოქტომბერს ჩატარდება. დეპუტატის სავარძელი მას შემდეგ გახდა ვაკანტური, რაც „ნაციონალური მოძრაობის“ დეპუტატს ვახტანგ წურწუმიას უფლებამოსილება ვადაზე ადრე შეუწყდა.
ამ დროისთვის რეგისტრაცია გაიარეს შემდეგმა პარტიებმა: „ქართული ოცნება - დემოკრატიული საქართველო“, „სტრატეგია აღმაშენებელი“ და „სოციალური სამართლიანობისთვის“. პარტიების რეგისტრაციის პროცესი 25 აგვისტოს დასრულდება. კანდიდატთა საბოლოო სია 1 სექტემბერს გახდება ცნობილი.
სანამ ცესკო პარტიებსა და კანდიდატებს არეგისტრირებს, სენაკის საკრებულო თავმჯდომარის გარეშე რჩება. სენაკის რაიონულმა სასამართლომ ამ კვირაში უკანონოდ ცნო ყოფილი პრემიერის, გიორგი გახარიას პარტიის „საქართველოსთვის“ წევრის, ირაკლი კაჭარავას საკრებულოს თავმჯდომარის პოსტზე არჩევა.
ახალი თავმჯდომარის არჩევა ამჟამად შეუძლებელია, რადგან არც მმართველ პარტიას „ქართულ ოცნებას“ და არც ოპოზიციას აქვს უმრავლესობა. წურწუმიას წასვლის შემდეგ სენაკის საკრებულოში მმართველ პარტიასაც და ოპოზიციასაც 16–16 მანდატი აქვთ.
ამრიგად, ახალი მაჟორიტარი დეპუტატის არჩევა მუნიციპალიტეტისთვის გადამწყვეტი იქნება.
წყარო - ცესკო
ყველა ახალი ამბავი
0