საქართველოს პრეზიდენტი მზადაა თავისი რეზიდენცია რეგიონებს დაუთმოს

© photo: Sputnikპრეზიდენტის რეზიდენცია
პრეზიდენტის რეზიდენცია - Sputnik საქართველო, 1920, 17.08.2022
გამოწერა
НовостиTelegram
პრეზიდენტის ჩანაფიქრით, მის რეზიდენციაში უნდა გაიმართოს გამოფენები, კონცერტები და სხვა ღონისძიებები
თბილისი, 17 აგვისტო – Sputnik. საქართველოს პრეზიდენტი სალომე ზურაბიშვილი გამოვიდა ინიციატივით, მის რეზიდენციაში - ორბელიანების სასახლეში - რეგიონების კვირეულის ღონისძიებები გაიმართოს.
პრეზიდენტის ინიციატივით, რეგიონების კვირეულის ფარგლებში მის რეზიდენციაში უნდა გაიმართოს გამოფენები, კონცერტები და სხვა ღონისძიებები.
„ქვეყნისთვის მნიშვნელოვანი და აუცილებელია რეგიონების განვითარება. თქვენ რეალურ ძალასა და იმედს წარმოადგენთ. ჩვენ ახლა ევროკავშირში ინტეგრაციის ბოლო ეტაპისთვის ვემზადებით და ამ პროცესში ძალიან მნიშვნელოვანია რეგიონების ჩართულობა და მონაწილეობა, - განაცხადა სალომე ზურაბიშვილმა ზუგდიდის მოსახლეობასთან შეხვედრაზე.
მისი თქმით, ევროკავშირში საქართველოს ინტეგრაციის საქმეში მთავრობას საზოგადოება უნდა დაეხმაროს.
რეგიონების განვითარება მთავრობის ერთ-ერთი პრიორიტეტია. ცენტრალურმა ხელისუფლებამ მუნიციპალიტეტებს საკუთარი ბიუჯეტის ფორმირების, შიდა აქტივობების დაგეგმვისა და მოსახლეობის საჭიროებებიდან გამომდინარე განვითარების უფლებამოსილება მიანიჭა. გარდა ამისა, ხელისუფლება რეგიონებში ბევრ ინფრასტრუქტურულ პროექტს ახორციელებს.
ყველა ახალი ამბავი
0