რუსეთის საელჩომ სომხეთის საგარეო უწყებას საპროტესტო ნოტა გაუგზავნა

  - Sputnik საქართველო, 1920, 17.08.2022
გამოწერა
НовостиTelegram
თბილისი, 17 აგვისტო — Sputnik. ერევანში რუსეთის საელჩომ სომხეთის საგარეო საქმეთა სამინისტროს საპროტესტო ნოტა გაუგზავნა საინფორმაციო სივრცეში რუსეთის წინააღმდეგ ცრუ ბრალდებების გავრცელების გამო, იუწყება სააგენტო „რია ნოვოსტი“.

„ჩვენ აღშფოთებული ვართ ადგილობრივ საინფორმაციო სივრცეში გავრცელებული ცინიკური „შემოგდებებით“, რომლებიც მკრეხელურ და ცრუ ბრალდებებს შეიცავს რუსეთის სტრუქტურების მონაწილეობის შესახებ 14 აგვისტოს „სურმალუს“ სავაჭრო ცენტრის ტერიტორიაზე მომხდარ ტრაგედიაში“, — ნათქვამია დიპლომატიური მისიის განცხადებაში.

როგორც საელჩოში აცხადებენ, რუსული მხარე ამას განიხილავს როგორც პოლიტიკური ძალების მხრიდან პირდაპირ პროვოკაციას, რომელიც მიზნად ისახავს რუსეთ-სომხეთის სამოკავშირეო ურთიერთობების შელახვას.
„ველით სომხეთის ხელისუფლების მხრიდან ამგვარი არამეგობრული გამოვლინებების აღკვეთისკენ მიმართული ნაბიჯების გადადგმას, მათ შორის, აუცილებელ საჯარო კომენტარებს“, — ნათქვამია განცხადებაში.
საელჩოს განმარტებით, ტრაგედიის შედეგების აღმოფხვრის სამუშაოებში რუსული მხარე პირველივე წუთებიდან ჩაერთო.
„სურმალუს“ ბაზრობაზე აფეთქების შედეგად, რომელიც 14 აგვისტოს მოხდა, ბოლო მონაცემებით, 16 ადამიანი დაიღუპა და 62 დაშავდა. მანამდე ერევნის მერიაში განაცხადეს, რომ „სურმალუში“ პიროტექნიკური მასალის საწყობი აფეთქდა.
ყველა ახალი ამბავი
0