ნავთობისა და გაზის კორპორაციის დირექტორი პირველადი დამუშავების სამსახურის მუშაობას გაეცნო

© Georgian Oil and Gas Corporationნავთობისა და გაზის კორპორაციის ხელმძღვანელმა პირველადი დამუშავების სამსახურის მუშაობას გაეცნო
ნავთობისა და გაზის კორპორაციის ხელმძღვანელმა პირველადი დამუშავების სამსახურის მუშაობას გაეცნო - Sputnik საქართველო, 1920, 11.08.2022
გამოწერა
НовостиTelegram
ნავთობის პირველადი დამუშავების სამსახურში მიმდებარე საბადოებიდან მოპოვებული ნავთობი საწყობდება, მუშავდება და სარეალიზაციოდ მზადდება.
თბილისი, 11 აგვისტო — Sputnik. ნავთობის პირველადი დამუშავების სამსახური და ვაზიანის სარკინიგზო ჩიხი - ცისტერნებში ნავთობის ჩამოსხმის ესტაკადა - საქართველოს ენერგეტიკული სტაბილურობისთვის მნიშვნელოვან როლს ასრულებს, ნათქვამია ნავთობისა და გაზის კორპორაციის განცხადებაში.
კორპორაციის ინფორმაციით, ნავთობის პირველადი დამუშავების სამსახურში მიმდებარე საბადოებიდან მოპოვებული ნავთობი საწყობდება, მუშავდება და სარეალიზაციოდ მზადდება. ვაზიანის ჩიხს კი ნედლი ნავთობის ვაგონსცისტერნებში ჩატვირთვისა და შემდგომი რეალიზაციის ფუნქცია აქვს.
კორპორაციის გენერალური დირექტორი გიორგი ჩიქოვანი კომპანიის დირექტორებთან ერთად ორივე ობიექტზე სამუშაო პროცესს გაეცნო.
„საჭიროებების ძირითადი ნაწილი ინფრასტრუქტურულ საკითხებს უკავშირდება“, - განაცხადა ჩიქოვანმა.
მისი თქმით, შეფასდა და აღირიცხა ყველა ის დეტალი, რომლის გათვალისწინებაც სამომავლოდ ობიექტის რეაბილიტაციის პროცესში უნდა მოხდეს. გარდა ამისა, დაისახა გზები ყველა არსებული პრობლემის გადასაჭრელად და ინფრასტრუქტურის გასაუმჯობესებლად.
ჩიქოვანის თქმით, ერთბაშად ყველა პრობლემის გადაჭრა რთულია, თუმცა საკითხზე იმსჯელებენ ობიექტზე მომუშავე გამოცდილ თანამშრომლებთან ერთად და თითოეული ნაბიჯი მათთან შეთანხმებით ეტაპობრივად დაიგეგმება.
ყველა ახალი ამბავი
0