უნგრეთი მზადაა გადაიხადოს რუსული ნავთობის ტრანზიტის საფასური

© photo: Sputnik / Egor Eremov / გადასვლა მედიაბანკშიმილსადენი „დრუჟბა"
მილსადენი „დრუჟბა - Sputnik საქართველო, 1920, 10.08.2022
გამოწერა
НовостиTelegram
„უკრტრანსნავტამ" 4 აგვისტოს შეაჩერა რუსული ნავთობის მიწოდება ნავთობსადენი „დრუჟბას" სამხრეთი შტოს მეშვეობით, რომელიც უნგრეთს, ჩეხეთსა და სლოვაკეთს ამარაგებდა.
თბილისი, 10 აგვისტო — Sputnik. უნგრულმა ნავთობგაზის კომპანია MOL-მა განაცხადა მოლაპარაკებების შესახებ, რომლის მიხედვით მას გადაეცემა რუსული ნავთობის მილსადენი „დრუჟბით" ტრანზიტის საფასურის გადახდის ვალდებულება.
სამშაბათს „ტრანსნეფტის" პრეზიდენტის მრჩეველმა იგორ დემინმა განაცხადა, რომ „უკრტრანსნავტამ" 4 აგვისტოს შეაჩერა რუსული ნავთობის მიწოდება ნავთობსადენი „დრუჟბას" სამხრეთი შტოს მეშვეობით, რომლითაც მარაგდებოდა უნგრეთი, ჩეხეთი და სლოვაკეთი. მისი თქმით, ეს იმიტომ მოხდა, რომ რუსულ მხარეს ევროკავშირის სანქციების გამო არ ჰქონდა შესაძლებლობა, თავად გადაეხადა ტრანზიტის ფული. ამასთან, „ტრანსნეფტი" მომსახურების გადახდის ალტერნატიულ ვარიანტებზე მუშაობს.

„ნედლი ნავთობის ტრანსპორტირება მილსადენი „დრუჟბის" მეშვეობით რამდენიმე დღე შეჩერებულია, ჩვენი მონაცემებით, იმის გამო, რომ ბანკების მხრიდან ტექნიკური პრობლემები შეიქმნა რუსული მხრიდან ტრანზიტის საფასურის გადახდასთან დაკავშირებით", – განაცხადეს კომპანიაში.

MOL-ში აღნიშნეს, რომ ამჟამად რამდენიმე კვირის მარაგი აქვთ, მაგრამ ამასთან ერთად კომპანია გამოვიდა ინიციატივით, დაიწყოს მოლაპარაკებები ნავთობის ტრანსპორტირების საფასურის გადახდის ვალდებულების საკუთარ თავზე აღების შესახებ.
ნავთობსადენი „დრუჟბა" სამარის ოლქში იწყება, გადის ბრიანსკს და შემდეგ ჩრდილოეთ და სამხრეთ ტოტებად ნაწილდება. ეს ორი ტოტი გადის ბელარუსის, უკრაინის, პოლონეთის, გერმანიის, ჩეხეთის, სლოვაკეთის, უნგრეთის, ლატვიისა და ლიეტუვის ტერიტორიებს. უკრაინის მონაკვეთი „უკრტრანსნაფტას" საკუთრებაშია, ტრანზიტის ფულს კი რუსეთი იხდის.
ყველა ახალი ამბავი
0