სოფელ ვაზიანიდან დაკარგული 12 და 13 წლის გოგონები თბილისში იპოვეს

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო, 1920, 01.08.2022
გამოწერა
Yandex newsTelegram
თბილისი, 1 აგვისტო — Sputnik. გარდაბნის მუნიციპალიტეტის სოფელ ვაზიანში მცხოვრები 12 წლის ლანა ლუკიანოვა და 13 წლის სვეტა ქსოვრელი საპატრულო პოლიციამ ხუთდღიანი ძებნის შემდეგ თბილისში იპოვა, განუცხადეს „Sputnik-საქართველოს“ შინაგან საქმეთა სამინისტროს პრეს-სამსახურში.
უწყების ცნობით, გოგონები თავს კარგად გრძნობენ და უკვე ოჯახებში იმყოფებიან. თუ რა გახდა გოგონების დაკარგვის მიზეზი, უცნობია.
გოგონები ბიძაშვილები არიან. ექვსი დღის წინ ისინი სახლიდან მაღაზიაში წავიდნენ და უკან არ დაბრუნებულან.
მოზარდების სამძებრო ოპერაციაში საპატრულო პოლიციის თანამშრომლებთან ერთად ჩართული იყვნენ გოგონების ნათესავები.
შაბათს, 30 ივლისს ვიდეოსათვალთვალო კამერამ გოგონები თბილისში, მეტროს სადგურ „ისანთან“ დააფიქსირეს. ისინი ასევე დაინახეს მცხეთაში.
ყველა ახალი ამბავი
0