ქმარს ცოლ-შვილი 17 წელი ჰყავდა დატყვევებული: მამაკაცი დაკავებულია
10:08 31.07.2022 (განახლებულია: 15:46 20.07.2023)
© photo: Sputnik / Stringer
გამოწერა
თბილისი, 31 ივლისი — Sputnik. დაკავებულია მამაკაცი, რომელსაც საკუთარი ცოლ-შვილი 17 წლის განმავლობაში ჰყავდა დატყვევებული და ამ ხნის განმავლობაში სასტიკად უსწორდებოდა, იუწყება G1 Globo.
შემთხვევა ბრაზილიაში, რიო-დე-ჟანეიროს შტატში მოხდა.
როგორც გამოცემა წერს, პოლიციამ ანონიმური შეტყობინება მიიღო და დასახელებულ მისამართზე მივიდა. ადგილზე მათ ჯაჭვებით დაბმული ქალი და ორი ვაჟი აღმოაჩინეს, რომლებიც გარეგნულად ათიოდე წლის ბავშვებს ჰგავდნენ, თუმცა სინამდვილეში 19 და 22 წლისანი იყვნენ.
Caso de família em cárcere por 17 anos já havia sido denunciado há 2 anos https://t.co/Az32GlzHB1
— Jornal Correio (@correio24horas) July 30, 2022
Luiz Antônio Santos Silva manteve a esposa e dois filhos presos por 17 anos #Correio24h pic.twitter.com/SVCkBG8MWr
როგორც ირკვევა, დაკავებული ლუის ანტონიო სანტოს სილვა 17 წლის განმავლობაში შვილებს არც სხვა ბავშვებთან ურთიერთობის საშუალებას აძლევდა და არც სწავლისა, რეგულარულად სცემდა ცოლსაც და მათაც ხისა თუ რკინის ჯოხებით, თითქმის არ აჭმევდა და წყალსაც იშვიათად აძლევდა. ხოლო იმისათვის, რომ მათი ყვირილის ხმა ჩაეხშო, მუსიკას რთავდა ხმამაღლა. ამის გამო მეზობლებმა მეტსახელად „დიჯეი“ შეარქვეს.
როგორც ქალმა უთხრა პოლიციას, ქმარი მას მოკვლით ემუქრებოდა, თუ გაქცევას განიზრახავდა.
Policiais militares libertaram, ontem de manhã, uma mulher e dois filhos que eram mantidos em cárcere privado em Guaratiba, na Zona Oeste do Rio, havia 17 anos. O pai das crianças e marido da mulher, identificado como Luiz Antonio Santos Silva, foi preso pelo crime. pic.twitter.com/avM2mGrU07
— Imaranhão.com (@Imaranhao_com) July 29, 2022
ამ დროისათვის დედა და ორი შვილი საავადმყოფოში არიან გადაყვანილები. ხოლო პოლიცია დამატებით ინფორმაციას იძიებს იმის შესახებ, აქვს თუ არა ჩადენილი სილვას სხვა დანაშაულებიც.
წყარო: G1 Globo
