აღმოსავლეთი-დასავლეთის მაგისტრალი: საქართველომ საარბიტრაჟო დავა მოიგო

© Ministry of Regional Development and Infrastructure of Georgia
  - Sputnik საქართველო, 1920, 30.07.2022
გამოწერა
Yandex newsTelegram
საავტომობილო გზების დეპარტამენტმა კონტრაქტორ კომპანიებთან ხელშეკრულებები ნაკისრი ვალდებულების შეუსრულებლობის გამო შეწყვიტა
თბილისი, 30 ივლისი — Sputnik. საავტომობილო გზების დეპარტამენტმა აღმოსავლეთი-დასავლეთის საერთაშორისო ჩქაროსნული ავტომაგისტრალის ერთ-ერთი მონაკვეთის მშენებლობის საქმეზე საფრანგეთის საერთაშორისო არბიტრაჟში სამი დავა მოიგო, ნათქვამია უწყების მიერ გავრცელებულ განცხადებაში.
აღმოსავლეთ-დასავლეთის მაგისტრალი, ანუ ევროპის სატრანზიტო გზა E-60 — ეს არის სიდიდით მეორე ევროპული სატრანზიტო დერეფანი, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი). საქართველოში E-60 იწყება აზერბაიჯანის საზღვრიდან და მთავრდება შავი ზღვის სანაპიროზე ფოთის პორტთან. საქართველოს ტერიტორიაზე დერეფნის სიგრძე 392 კილომეტრია. გზის ქართული მონაკვეთის ძირითადი ნაწილია რიკოთის უღელტეხილი.
უწყების ცნობით, დავები წარმოებდა საერთაშორისო ჩქაროსნული ავტომაგისტრალის (E-60) სამტრედია-გრიგოლეთის პირველი და მესამე მონაკვეთებისა და ზემო ოსიაური-ჩუმათელეთის მონაკვეთის მშენებელ კომპანიებთან.
საავტომობილო გზების დეპარტამენტმა კონტრაქტორ კომპანიებთან ხელშეკრულებები ნაკისრი ვალდებულების შეუსრულებლობის გამო შეწყვიტა და მათგან მიყენებული ზიანის ანაზღაურების მიზნით, დაიწყო სამართლებრივი დავა საერთაშორისო არბიტრაჟში.
არბიტრაჟმა სამივე დავა საავტომობილო გზების დეპარტამენტის სასარგებლოდ გადაწყვიტა და დეპარტამენტს, მიღებული ზიანის ანაზღაურების მიზნით, სამივე საარბიტრაჟო დავის ფარგლებში, დაახლოებით 187 მილიონი ლარი მიაკუთვნა.
ამ დროისთვის დეპარტამენტმა უკვე იპოვა კომპანია სამტრედია-გრიგოლეთის ერთი მონაკვეთისა და ზემო ოსიაური-ჩუმათელეთის მონაკვეთის მშენებლობისთვის. რაც შეეხება სამტრედია-გრიგოლეთის გზის მეორე მონაკვეთს, ახალი კონტრაქტორის შესარჩევად გამოცხადებულია ტენდერი.
ყველა ახალი ამბავი
0