გუდაურში ვერტმფრენის ჩამოვარდნის გამო 94-ე კილომეტრზე ტრანსპორტის მოძრაობა აიკრძალა

© Sputnik / Denis Aslanov
  - Sputnik საქართველო, 1920, 29.07.2022
გამოწერა
Yandex newsTelegram
თბილისი, 29 ივლისი — Sputnik. გუდაურში სასაზღვრო პოლიციის ვერტმფრენის ჩამოვარდნის გამო მცხეთა–სტეფანწმინდა–ლარსის გზის 94-ე კილომეტრზე ყველა სახის ავტოტრანსპორტის მოძრაობა აკრძალულია, იუწყება საქართველოს საავტომობილო გზების დეპარტამენტი.

„გუდაურში, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 94-ე კილომეტრთან შინაგან საქმეთა სამინისტროს სასაზღვრო პოლიციის კუთვნილი ვერტმფრენის ჩამოვარდნის გამო გზის აღნიშნულ მონაკვეთზე სამაშველო ღონისძიებების დასრულებამდე დროებით ყველა სახის ავტოტრანსპორტის მოძრაობა აკრძალულია“, – ნათქვამია განცხადებაში.

სასაზღვრო პოლიციის კუთვნილი ვერტმფრენი მანამდე ჩამოვარდნილი პარაპლანისტების სამაშველო ღონისძიებაში მონაწილეობდა, რა დროსაც მართვა დაკარგა, ჩამოვარდა და აფეთქდა. ვერტმფრენის ბორტზე, ეკიპაჟის წევრების გარდა, იმყოფებოდნენ შსს-ს საგანგებო სიტუაციების მართვის სამსახურის მაშველები და მედიკოსები.
ყველა ახალი ამბავი
0