მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ფხენიანი მზადაა: კიმ ჩენ ინი სამხრეთ კორეასა და აშშ-ს ემუქრება

© POOL / ფოტობანკში გადასვლაკიმ ჩენ ინი
კიმ ჩენ ინი - Sputnik საქართველო, 1920, 28.07.2022
გამოწერა
Yandex newsTelegram
თბილისი, 28 ივლისი — Sputnik. სამხრეთ კორეის შეიარაღებული ძალები განადგურების საფრთხის წინაშე აღმოჩნდებიან, თუ ისინი ჩრდილოეთ კორეაზე პრევენციული დარტყმის მიტანას შეეცდებიან, განაცხადა ჩრდილოეთ კორეის ლიდერმა კიმ ჩენ ინმა.
მან ასევე აღნიშნა, რომ ჩრდილოეთ კორეა მზად არის შეერთებულ შტატებთან ნებისმიერი სამხედრო შეტაკებისთვისაც.

„თუ სამხრეთ კორეის რეჟიმი და სამხედრო ავაზაკები ფიქრობენ ჩვენთან სამხედრო შეტაკებას და მიაჩნიათ, რომ შეუძლიათ გაანეიტრალონ ან გაანადგურონ ჩვენი სამხედრო ძალის ნაწილი პრევენციულად, კონკრეტული სამხედრო საშუალებების ან მეთოდების საფუძველზე, ისინი ცდებიან“, — თქვა კიმ ჩენ ინმა კორეის ომის დასრულების საიუბილეო თარიღთან დაკავშირებით სიტყვით გამოსვლისას.

როგორც ქვეყნის ლიდერმა განაცხადა, ფხენიანი მზადაა მოახდინოს თავისი „ბირთვული შემაკავებელი ძალების“ მობილიზება შეერთებული შტატების მხრიდან საფრთხის შემთხვევაში.
კიმ ჩენ ინის თქმით, თუ ვაშინგტონი განაგრძობს რესპუბლიკის ფუნდამენტური ინტერესების დარღვევას და მისი უსაფრთხოების ხელყოფას, ეს „დიდ კრიზისს“ გამოიწვევს.
კორეის ომი 1950 წელს დაიწყო და 1953 წელს დასრულდა. სეულსა და ფხენიანს შორის სრულფასოვანი სამშვიდობო ხელშეკრულება დღემდე არ გაფორმებულა. ომის დასრულების შემდეგ მხარეებმა მხოლოდ ზავი გააფორმეს.
ყველა ახალი ამბავი
0