გორის თავდაცვის აკადემიაში მამაკაცი გარდაიცვალა

© Ministry of Defence of Georgiaთავდაცვის სამინისტრო
თავდაცვის სამინისტრო - Sputnik საქართველო, 1920, 28.07.2022
გამოწერა
Yandex newsTelegram
პირველადი მონაცემებით, მამაკაცის გარდაცვალების მიზეზი გულის გაჩერება გახდა.
თბილისი, 28 ივლისი – Sputnik. დავით აღმაშენებლის სახელობის საქართველოს ეროვნული თავდაცვის აკადემიის ტერიტორიაზე სამსახურში ყოფნისას 51 წლის მამაკაცი გარდაიცვალა, ნათქვამია უწყების მიერ გავრცელებულ ინფორმაციაში.
არსებული ინფორმაციით, გარდაცვლილი თავდაცვის ძალების ლოჯისტიკის სარდლობის ინფრასტრუქტურული ცენტრის თანამშრომელი იყო.
უწყების ცნობით, მამაკაცი მოულოდნელად შეუძლოდ გახდა. მას პირველადი სამედიცინო დახმარება ეროვნული თავდაცვის აკადემიის სამედიცინო სამსახურის თანამშრომლებმა გაუწიეს, თუმცა მისი გადარჩენა ვერ მოხერხდა.
„სასწრაფო სამედიცინო დახმარების მანქანამ იგი დაუყოვნებლივ გადაიყვანა „გორმედის“ სამედიცინო დაწესებულებაში, რომელმაც გარდაცვალება დაადასტურა. პირველადი მონაცემებით, გარდაცვალების მიზეზი, შესაძლოა, გამხდარიყო გულის უეცარი გაჩერება, ზუსტ მიზეზებს კი შესაბამისი ექსპერტიზა ადგენს“, – აღნიშნულია ინფორმაციაში.
თავდაცვის სამინისტრო მწუხარებას გამოთქვამს ტრაგიკულ შემთხვევასთან დაკავშირებით და უსამძიმრებს გარდაცვლილის ოჯახს.
ყველა ახალი ამბავი
0