პირველად ისტორიაში: ვენეციის კინოფესტივალის სიმბოლო ძუ ლომი გახდა
18:38 27.07.2022 (განახლებულია: 19:46 17.08.2023)
© photo: Sputnik / Ekaterina Chesnokova / გადასვლა მედიაბანკშიტოპ-მოდელი მარტა ჰანტი ვენეციის 79-ე კინოფესტივალის გახსნის ცერემონიაზე
© photo: Sputnik / Ekaterina Chesnokova
/ გამოწერა
ძუ ლომი ისტორიას ენერგიით, მსუბუქად მიჰყვება და ხდება იმედის, აგრესიასა და სისასტიკეზე უარის სიმბოლო, განაცხადა ქმნილების ავტორმა.
თბილისი, 27 ივლისი – Sputnik. ვენეციის ფესტივალის ახალ პოსტერზე ამიერიდან არა ხვადი, არამედ ძუ ლომი გამოჩნდება – ორგანიზატორებმა ფესტივალის ისტორიაში ეს ცვლილება პირველად განახორციელეს, ნათქვამია ღონისძიების ვებ-გვერდზე.
ორგანიზატორების იდეას ხორცი შეასხა იტალიელმა მხატვარმა ლორენცო მატოტიმ.
„ვენეციური ხვადი ლომი, რომელიც კინოფესტივალის სიმბოლო იყო, 90 წლის შემდეგ ძუ ლომად გადაიქცა, რომელიც ისტორიას ენერგიითა და სიმსუბუქით მიჰყვება, ხდება იმედის, აგრესიასა და სისასტიკეზე უარის თქმის სიმბოლო“, – განაცხადა მხატვარმა.
#BiennaleCinema2022 43 progetti da 19 Paesi, 32 mondi nella Worlds Gallery e un Evento Speciale – Fuori Concorso: l'isola del Lazzaretto Vecchio torna ad aprirsi per #VeniceImmersive, la sezione di #Venezia79 dedicata alle opere XR - Extended Reality. https://t.co/s2v01EKNhZ
— La Biennale di Venezia (@la_Biennale) July 27, 2022
რიგით 79-ე ვენეციის კინოფესტივალი კუნძულ ლიდოზე 31 აგვისტოდან 10 სექტემბრის ჩათვლით გაიმართება. ჟიურის თავმჯდომარე წელს ცნობილი მსახიობი ჯულიანა მური იქნება. სპეციალურ „ოქროს ლომებს“ მიღწევებისთვის გადასცემენ კატრინ დენევსა და პოლ შრედერს.
წელს საკონკურსო სურათების სიაშია ისეთი რეჟისორიების ახალი ნამუშევრები, როგორიც არიან დარენ არონოვსკი, ალეხანდრო ინიარიტუ, ტოდ ფილდი, ენდრიუ დომინიკი, ლუკა გუადანინო, ელის დიოპი, ჯოანა ჰოგი, მარტინ მაკდონაჰი, ჯაფარ ფანახი, ფლორიან ზელერი.