თბილისში ჭაბუა ამირეჯიბის 100 წლისთავის აღსანიშნავად მწერლის მემორიალური დაფა გაიხსნა

© National Library of Georgiaჭაბუა ამირეჯიბი
ჭაბუა ამირეჯიბი - Sputnik საქართველო, 1920, 27.07.2022
გამოწერა
Yandex newsTelegram
მემორიალური დაფა სწორედ იმ სახლზე გაიხსნა, სადაც მწერალმა „დათა თუთაშხია“ დაწერა.
თბილისი, 27 ივლისი – Sputnik. დიდი ქართველი მწერლისა და საზოგადო მოღვაწის ჭაბუა ამირეჯიბის დაბადებიდან 100 წლისთავის აღსანიშნავად ალექსანდრე ყაზბეგის 35-ში მდებარე სახლზე, სადაც მწერალი ცხოვრობდა, მემორიალური დაფა გაიხსნა. ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.
მემორიალური დაფის გახსნას საქართველოს კულტურის, სპორტისა და ახალგაზრდობის მინისტრი თეა წულუკიანი, მინისტრის პირველი მოადგილე კარლო სიხარულიძე და ჭაბუა ამირეჯიბის ოჯახის წევრები ესწრებოდნენ.

„იუბილესთან დაკავშირებით, ასევე კულტურის სამინისტროს ხელშეწყობით მომზადდა და გამოიცა ორენოვანი წიგნი-ალბომი „ჭაბუა ამირეჯიბი - 100". გამოცემის წარდგენა გაიმართა მწერალთა სახლში, სადაც შეკრებილ საზოგადოებას მინისტრმა სიტყვით მიმართა და მწერლის შემოქმედებისა და მოღვაწეობის მნიშვნელობაზე ისაუბრა“, – აღნიშნულია სამინისტროს ინფორმაციაში.

წიგნ-ალბომში შესულია მწერლის საოჯახო არქივში დაცული მასალები, ფოტოსურათები, სხვადასხვა ენაზე გამოქვეყნებული „დათა თუთაშხიას“ ამსახველი ფოტოები და განმარტებითი ტექსტები. ასევე მწერლის ხელნაწერთა ფრაგმენტები, წერილები გადასახლებიდან და სხვადასხვა საილუსტრაციო მასალა.
ჭაბუა ამირეჯიბი (1921–2013) – ქართველი მწერალი, XX საუკუნის ქართული ლიტერატურის კლასიკოსი. მის კალამს ეკუთვნის რომანები „დათა თუთაშხია“, „გორა მბორგალი“ და „გიორგი ბრწყინვალე“; ასევე არის მოთხრობების ავტორი.
ამირეჯიბი არის სსრკ-ის სახელმწიფო პრემიის ლაურეატი, შოთა რუსთაველის პრემიის ლაურეატი, ღირსების ორდენის კავალერი. დაიბადა თბილისში, ძველი თავადური გვარის ოჯახში. არაერთხელ დაადანაშაულეს ანტისაბჭოურ საქმიანობაში და დააპატიმრეს.
2010 წლის ოქტომბერში საქართველოს კათოლიკოს-პატრიარქ ილია მეორეს კურთხევით ჭაბუა ამირეჯიბი ბერად აღიკვეცა.
ნაკვალევი თოვლში - Sputnik საქართველო, 1920, 18.11.2021
ამაოება ამაოებათა – როცა ყველაფერი აკრძალულია, მაშინ ყველაფერი ნებადართულია
წმინდა სინოდმა 89 წლის მწერალს გამონაკლისის სახით ნება დართო მონასტრის ნაცვლად საკუთარ სახლში ეცხოვრა, რადგან მწერალს დიდი ხნის განმავლობაში მეტყველება ჰქონდა წართმეული და ავადმყოფობდა. ბერად ყოფნისას ჭაბუა ამირეჯიბმა სახელად დავითი დაირქვა.
ჭაბუა ამირეჯიბი 2013 წლის დეკემბერში გარდაიცვალა. ის მთაწმინდის პანთეონში დაკრძალეს.
ყველა ახალი ამბავი
0