საგადასახადო დოკუმენტების გაყალბება: ფინანსურმა პოლიციამ ოთხი პირი დააკავა

© photo: Sputnik / Stringerდაკავებული ხელბორკილით
დაკავებული ხელბორკილით - Sputnik საქართველო, 1920, 27.07.2022
გამოწერა
Yandex newsTelegram
ყალბი საგადასახადო დოკუმენტებით კომპანიებმა სახელმწიფო ბიუჯეტიდან უკანონოდ 310.714 ლარის ოდენობის დღგ ჩაითვალეს.
თბილისი, 27 ივლისი – Sputnik. საქართველოს ფინანსთა სამინისტროს საგამოძიებო სამსახურმა ჯგუფურად ყალბი საგადასახადო დოკუმენტების დამზადება-გამოყენების ფაქტზე ბრალდებულის სახით პასუხისგებაში ოთხი ადამიანი მისცა.
გამოძიებით დადგინდა, რომ ბრალდებულები 2019 წლის განმავლობაში შესაბამისი დოკუმენტაციის გარეშე ყიდულობდნენ ქართული წარმოშობის ხორბალს, შემდეგ მის რეალიზაციას ახდენდნენ, როგორც რუსული წარმოშობის ხორბალს, ამით კი შემძენი კომპანიები იღებდნენ დღგ-ის ყალბ ჩათვლებს.
უწყების ცნობით, დადგინდა, რომ აღნიშნული ოპერაციების შედეგად კომპანიებმა სახელმწიფო ბიუჯეტიდან უკანონოდ მიიღეს 310.714 ლარის ოდენობის დღგ-ის ჩათვლა.
გამოძიების ფარგლებში ჩატარებული საგადასახადო შემოწმებების შედეგად დღგ-ის აღნიშნული ყალბი ჩათვლები სრულად იქნა გაუქმებული.
ბრალდებულებს ბრალის დამტკიცების შემთხვევაში 4-დან 7 წლამდე ვადით პატიმრობა ემუქრებათ.
ყველა ახალი ამბავი
0