იყიდება თუ არა VTB Bank Georgia: ეროვნულმა ბანკმა განცხადება გაავრცელა

© photo: Sputnik / STRINGER„ვითიბი ბანკი"
„ვითიბი ბანკი - Sputnik საქართველო, 1920, 25.07.2022
გამოწერა
Yandex newsTelegram
საქართველოს ეროვნული ბანკი გარიგებაზე თანხმობას მხოლოდ ერთ შემთხვევაში გასცემს.
თბილისი, 25 ივლისი — Sputnik. რუსული VTB Bank-ის შვილობილი VTB Bank Georgia-ს ყიდვის მსურველებს ჯერჯერობით საქართველოს ეროვნული ბანკისთვის (სებ-ი) არ მოუმართავთ, ნათქვამია სებ-ის განცხადებაში.
უფრო ადრე ქართულ მასმედიაში გაჩნდა ინფორმაცია, რომ VTB Bank Georgia-ს ქართული წარმომავლობის რუსი ბიზნესმენი დავით ხიდაშელი ყიდულობს. ცოტა ხნის წინ მან რიყის პარკში ცნობილი „დოქები" შეისყიდა.

„ჩვენთვის ცნობილია, რომ „ვითიბი ბანკის" ყიდვასთან დაკავშირებით არაერთი ინტერესი არსებობს, თუმცა ოფიციალურად ეროვნულ ბანკში ნებართვის არცერთი მოთხოვნა არ შემოსულა. საჯაროდ კონკრეტული კომპანიებისა და გვარების გაცხადების უფლება ამ ეტაპზე არ გვაქვს", – ნათქვამია განცხადებაში.

სებ-ში განაცხადეს, რომ ნებისმიერი გარიგება იქნება გამჭვირვალე, საერთაშორისო სანქციების მოთხოვნებისა და მოქმედი კანონმდებლობის შესაბამისი.
„გამომდინარე იქიდან, რომ „ვითიბი ბანკი" არის სანქცირებული აშშ ხაზინის დეპარტამენტის მიერ, შესაბამისად, მის ყიდვა-გაყიდვასთან დაკავშირებული ნებისმიერი გარიგება მხარეებმა უნდა შეათანხმონ აშშ ხაზინის დეპარტამენტთან. ეროვნული ბანკი მხოლოდ ამ თანხმობის შემთხვევაში გასცემს თანხმობას ტრანზაქციაზე", – აღნიშნულია ეროვნული ბანკის განცხადებაში.
„ვითიბი ბანკის" კლიენტებს, ფიზიკურ პირებს 27 თებერვლიდან ემსახურება "ბაზისბანკი", იურიდიული პირების დეპოზიტები და კრედიტები "ლიბერთი ბანკს" გადაეცა, რომელმაც ამ პირების მომსახურება 3 მარტიდან დაიწყო.
ყველა ახალი ამბავი
0