ФСБ: უკრაინის დაზვერვა სამხედრო თვითმფრინავების გატაცებას გეგმავდა

© photo: Sputnik / Pavel Lisitsyin / ფოტობანკში გადასვლა
  - Sputnik საქართველო, 1920, 25.07.2022
გამოწერა
Yandex newsTelegram
თბილისი, 25 ივლისი — Sputnik. რუსეთის უშიშროების ფედერალურმა სამსახურმა (ФСБ) აღკვეთა უკრაინის თავდაცვის სამინისტროს მთავარი სადაზვერვო სამმართველოს ოპერაცია, რომლის მიზანიც რუსეთის საბრძოლო თვითმფრინავების გატაცება იყო, იუწყება „რია ნოვოსტი“ უწყების პრეს-სამსახურზე დაყრდნობით.
მათი ინფორმაციით, უკრაინულ ოპერაციას „ნატოს სპეცსამსახურები კურირებდნენ“.

„მოქმედებდნენ რა თავისი ქვეყნის პოლიტიკური ხელმძღვანელობის სახელით, უკრაინის სამხედრო დაზვერვის თანამშრომლები ცდილობდნენ გადაებირებინათ რუსი სამხედრო მფრინავები ფულადი ჯილდოსა და ევროკავშირის ერთ-ერთი ქვეყნის მოქალაქეობის მიღების გარანტიით, და დაერწმუნებინათ ისინი, უკრაინის შეიარაღებული ძალების მიერ კონტროლირებად აეროდრომებზე დაესვათ თვითმფრინავები“, — ნათქვამია ФСБ-ს განცხადებაში.

როგორც უწყებაში აცხადებენ, მათ ხელთ ჩაუვარდათ უკრაინის სამხედრო დაზვერვასა და ერთ-ერთ რუს პილოტს შორის მიმოწერა, საიდანაც ირკვევა, რომ მას 2 მილიონ დოლარს ჰპირდებოდნენ საბრძოლო თვითმფრინავის გატაცებისთვის. ამასთან ავანსად მხოლოდ 4000 დოლარი გადასცეს, რაც, ФСБ-ს განცხადებით, მათ ხელთ არსებული ვიდეოჩანაწერით დასტურდება.
უწყების ინფორმაციით, უკვე დადგენილია უკრაინული სპეცსამსახურების ყველა თანამშრომლის ვინაობა, ვინც ამ ოპერაციაში იყო ჩართული.
უკრაინულ მხარესა და ნატოს აღნიშნულთან დაკაშირებით ჯერჯერობით კომენტარი არ გაუკეთებიათ.
ყველა ახალი ამბავი
0