ქართველი ბიზნესმენები შეძლებენ ევროპის სახელმწიფო დაწესებულებებს პროდუქცია მიაწოდონ

© photo: Sputnik / Stringerლევან დავითაშვილი
ლევან დავითაშვილი - Sputnik საქართველო, 1920, 25.07.2022
გამოწერა
Yandex newsTelegram
დავითაშვილის თქმით, ეს გადაწყვეტილება არის საქართველოს მიერ ასოცირების დღის წესრიგით განსაზღვრული ვალდებულების სრულყოფილად შესრულების შედეგი.
თბილისი, 25 ივლისი — Sputnik. ქართველ კომპანიებს შესაძლებლობა ექნებათ ევროპის 27 ქვეყნის შესყიდვებით დაინტერესებულ სახელმწიფო დაწესებულებებს პროდუქცია მიაწოდონ, განაცხადა ეკონომიკისა და მდგრადი განვითარების მინისტრმა ლევან დავითაშვილმა.

„ჩვენ ქართულ კომპანიებს შესაძლებლობას ვაძლევთ – ევროპის 27 ქვეყანაში შესყიდვებით დაინტერესებულ სახელმწიფო ორგანოებს მიაწოდონ პროდუქცია ევროპულ კომპანიებთან თანაბარი პირობებით. ვფიქრობ, ქართული ბიზნესისთვის ეს ახალი სტიმული იქნება“, – განაცხადა დავითაშვილმა ბრიფინგზე.

ეკონომიკის მინისტრის თქმით, ევროკავშირი-საქართველოს ასოცირების თაობაზე საბჭოს ანგარიშის მონაცემების საფუძველზე 22 ივლისს ევროკავშირმა გამოაქვეყნა გადაწყვეტილება, რომლის თანახმადაც ევროკავშირის ბაზარი ქართული კომპანიებისთვის გაიხსნა.
„მოცემულ შემთხვევაში ჩვენ ვსაუბრობთ იმის თაობაზე, რომ წლის განმავლობაში ევროკავშირში დაახლოებით 250 ათასზე მეტი საჯარო შემსყიდველი 2 ტრილიონი ევროს ღირებულების პროდუქციას იძენს და კომპანიებს, რომლებიც საქართველოში საქმიანობენ და რეგისტრირებული არიან, ამ ბაზარზე სრული წვდომის შესაძლებლობა ეძლევათ“, – განაცხადა მინისტრმა.
დავითაშვილის თქმით, ეს გადაწყვეტილება საქართველოს მიერ ასოცირების დღის წესრიგით განსაზღვრული ვალდებულების სრულყოფილად შესრულების შედეგია.
ყველა ახალი ამბავი
0