ხელოვნების სასახლის კოლექციები მიქელანჯელოს ფონდის ონლაინ პლატფორმაზე განათავსეს

© courtesy of artpalaceსაქართველოს ხელოვნების სასახლის კოლექციები
საქართველოს ხელოვნების სასახლის კოლექციები - Sputnik საქართველო, 1920, 23.07.2022
გამოწერა
Yandex newsTelegram
ამიერიდან ყველა მსურველს შეუძლია ვირტუალურად ეზიაროს საქართველოს მაღალ ხელოვნებას
თბილისი, 23 ივლისი – Sputnik. საქართველოს ხელოვნების სასახლის ხილვა შესაძლებელია მიქელანჯელოს ფონდის ონლაინ პლატფორმა HOMO FABER-ზე, ნათქვამია საქართველოს ხელოვნების სასახლის - კულტურის ისტორიის მუზეუმის განცხადებაში.
Homo Faber Guide – ეს არის ინოვაციური სივრცე, რომელიც შექმნილია მიქელანჯელოს ფონდის მიერ (Michelangelo Foundation for Creative and Craftsmanship) და სხვადასხვა ქვეყნების საუკეთესო სახელობო წარმოებების ერთგვარი გიდია.
აღნიშნული საერთაშორისო არაკომერციული ორგანიზაცია დაფუძნებულია ჟენევაში 2016 წელს. ფონდის მთავარი მიზანია კულტურული ინსტიტუციების პოპულარიზაცია და შენარჩუნება.
სწორედ ამ მიზნით შეიქმნა პლატფორმა Homo Faber, სადაც მოიპოვება დეტალური ინფორმაცია ისეთი გამორჩეული მუზეუმების შესახებ, როგორებიცაა: ირლანდიის ეროვნული მუზეუმი (The National Museum of Ireland), შოტლანდიის ეროვნული მუზეუმი (National Museum of Scotland), ნიუთაუნის ტექსტილის მუზეუმი (Newtown Textile Museum, United Kingdom), MOA Museum of Art (Japan) და ა.შ.
ინფორმაცია საქართველოს ხელოვნების სასახლის შესახებ ხელმისაწვდომია ბმულზე.
Michelangelo Foundation – არის არამხოლოდ ონლაინ-პლატფორმა, არამედ ერთგვარი საინფორმაციო-საგანმანათლებლო პორტალი, რომელიც აერთიანებს ხელოვნების მოყვარულებს, კოლექციონერებს, მოგზაურებსა და დიზაინერებს.
ყველა ახალი ამბავი
0