„რომანსის დედოფალი 86 წლისაა“ - კულტურის სამინისტრომ ნანი ბრეგვაძეს დაბადების დღე მიულოცა

© courtesy of Ministry of Culture, Sport and Youth of Georgiaნანი ბრეგვაძე
ნანი ბრეგვაძე - Sputnik საქართველო, 1920, 21.07.2022
გამოწერა
Yandex newsTelegram
ცოცხალ ლეგენდას იუბილეს ულოცავენ მეგობრები, კოლეგები, თაყვანისმცემლები...
თბილისი, 21 ივლისი – Sputnik. ლეგენდარულ მომღერალს ნანი ბრეგვაძეს იუბილე კულტურის სამინისტრომ მიულოცა.
საქართველოს სახალხო არტისტს, ღირსების ორდენის კავალერს, მრავალი თაობის საყვარელ მომღერალს ნანი ბრეგვაძეს, რომელსაც „რომანსის დედოფალს“ უწოდებენ, დღეს 86 წელი შეუსრულდა. ცოცხალ ლეგენდას იუბილეს ულოცავენ მეგობრები, კოლეგები, თაყვანისმცემლები.
© photo: Sputnik / Alexey Kudenkoნანი ბრეგვაძე
Нани Брегвадзе - Sputnik საქართველო, 1920, 21.07.2022
ნანი ბრეგვაძე

„საქართველოს კულტურის, სპორტისა და ახალგაზრდობის სამინისტრო დაბადების დღეს ულოცავს ქალბატონ ნანის, დღეგრძელობასა და შემოქმედებითად აქტიურ წლებს უსურვებს“, – ნათქვამია სამინისტროს მისალოც წერილში.

ნანი ბრეგვაძე 1936 წლის 21 ივლისს დაიბადა თბილისში. მამა – გიორგი ბრეგვაძე პროფესიით მსახიობი იყო. დედა – ოლგა მიქელაძე ცნობილი დიდგვაროვანთა ოჯახის წარმომადგენელი. ნანი უკვე ექვსი წლის ასაკში რუსულ რომანსებსა და სიმღერებს მღეროდა.
1961 წელს დაამთავრა თბილისის ვანო სარაჯიშვილის სახელობის სახელმწიფო კონსერვატორია. სასცენო მოღვაწეობა დაიწყო 1956 წელს. 1959–1964 წლებში ნანი ბრეგვაძე იყო საქართველოს სახელმწიფო საესტრადო ორკესტრი „რეროს“ სოლისტი, ამის შემდეგ 15 წელი მღეროდა ანსამბლ „ორერაში“, 1980 წლიდან კი სოლო კარიერა დაიწყო.
© photo: Sputnik / Pishchalnikov / ფოტობანკში გადასვლანანი ბრეგვაძე და რობერტ ბარძიმაშვილი
Нани Брегвадзе и Роберт Бардзимашвили - Sputnik საქართველო, 1920, 21.07.2022
ნანი ბრეგვაძე და რობერტ ბარძიმაშვილი
„კაცი არასდროს უნდა დატოვო მარტო“: ნანი ბრეგვაძე პირადი ცხოვრების დეტალებს ასაჯაროებს >>
მსახიობი გადაღებულია ფილმებში „ორერა სრული სვლით“, „სამკაული სატრფოსთვის“. მისი შესრულებით სიმღერები ჟღერს ფილმებში „დათა თუთაშხია“, „ვერის უბნის მელოდიები“, „შეხვედრა მთაში“ და ა.შ.
1974 წელს ნანი ბრეგვაძეს მიენიჭა საქართველოს სახალხო არტისტის წოდება. 2001 წელს ფილარმონიის წინ საზეიმოდ გაიხსნა მომღერლის სახელობის ვარსკვლავი. დაჯილდოებულია ღირსების ორდენით.
მომღერლის მიერ მიღებული ჯილდოები, პრემიები და პრიზები:
1994 — საქართველოს სახელმწიფო პრემია
1983 — სსრკ სახალხო არტისტი
1974 — საქართველოს სახალხო არტისტი
1972 — საესტრადო სიმღერების სოპოტის საერთაშორისო ფესტივალის ლაურეატი
1957 — ახალგაზრდობისა და სტუდენტთა VI მსოფლიო ფესტივალი (მოსკოვი), ლაურეატი.
ყველა ახალი ამბავი
0