მარნეულში გოგონა გაიტაცეს - პოლიციამ ორი პირი დააკავა

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო, 1920, 21.07.2022
გამოწერა
Yandex newsTelegram
წარსულში ნასამართლევმა პირმა 2002 წელს დაბადებული გოგონა ცოლად შერთვის მიზნით გაიტაცა. დანაშაული ორიდან ოთხ წლამდე პატიმრობას ითვალისწინებს.
თბილისი, 21 ივლისი — Sputnik. პოლიციამ თავისუფლების უკანონო აღკვეთის ბრალდებით ორი პირი დააკავა, აქედან ერთი წარსულში ნასამართლევია, ნათქვამია შინაგან საქმეთა სამინისტროს მიერ გავრცელებულ ინფორმაციაში.
გამოძიებით დადგინდა, რომ მარნეულში წარსულში ნასამართლევმა ბრალდებულმა ცოლად შერთვის მიზნით 20 წლის გოგონა გაიტაცა. აღნიშნულ დანაშაულებრივ ქმედებაში მონაწილეობდა ბრალდებულის სახით დაკავებული მეორე პირიც.
პოლიციამ საგამოძიებო ღონისძიებების შედეგად გატაცებული გოგონას ადგილსამყოფელი დაადგინა, დანაშაულებრივ ქმედებაში მონაწილე პირები კი სამართალდამცველებმა დააკავეს, აღნიშნულია ინფორმაციაში.
თავისუფლების უკანონო აღკვეთის ფაქტზე გამოძიება საქართველოს სისხლის სამართლის კოდექსის 143-ე მუხლით მიმდინარეობს, რაც ორიდან ოთხ წლამდე ვადით თავისუფლების აღკვეთას ითვალისწინებს.
ყველა ახალი ამბავი
0