„თბილისის ცის ქვეშ“: დიდ დიღომში ბენდ Killages-ის კონცერტი გაიმართება

© Environmental Protection Serviceპარკი დიდ დიღომში
პარკი დიდ დიღომში - Sputnik საქართველო, 1920, 20.07.2022
გამოწერა
Yandex newsTelegram
პროექტი, რომელიც მთელი ზაფხულის განმავლობაში უნდა გაგრძელებულიყო, ივლისის ბოლოს დასრულდება.
თბილისი, 20 ივლისი – Sputnik. დიდი დიღმის ახალ პარკში პროექტის „თბილისის ცის ქვეშ“ ფარგლებში 23 ივლისს კონცერტი გაიმართება, განაცხადა თბილისის მერმა კახა კალაძემ დღეს მუნიციპალიტეტის მთავრობის სხდომაზე.
კონცერტი მირიან მეფის ქუჩაზე მდებარე ახლახან რეაბილიტირებულ პარკში 21:00 საათზე დაიწყება და მასზე დასწრება თავისუფალია. მსმენელის განწყობაზე საესტრადო შემსრულებლები და მუსიკალური ბენდები, მათ შორის ბენდი Killages იზრუნებენ.

„პატარებისთვის მოეწყობა მეზღაპრის კუთხე, ილუსტრატორთა კუთხე, ასევე გაიმართება თითების თეატრისა და მოზარდ მაყურებელთა თეატრის წარმოდგენები. სპორტული ნაწილი მინი-გოლფით, მაგიდის ჩოგბურთითა და სხვა აქტივობებით იქნება დატვირთული. საფესტივალო დღეს DJ-ს პროგრამა დაასრულებს“, – განაცხადა კალაძემ.

გარდა ამისა, ღონისძიების ფარგლებში 18:00-დან 23:00 საათამდე პერიოდში სხვადასხვა აქტივობა გაიმართება.
როგორც კალაძემ აღნიშნა, პროექტი, რომელიც მთელი ზაფხულის განმავლობაში უნდა გაგრძელებულიყო, ივლისის ბოლოს დასრულდება.
„აგვისტოში გარკვეული პაუზა გვექნება, რადგან მოსახლეობის დიდი ნაწილი ქალაქიდან გადის. შესაბამისად, აგვისტოს ბოლოდან ან სექტემბრიდან პროექტი ისევ გაგრძელდება“, – განაცხადა თბილისის მერმა.
პროექტი „თბილისის ცის ქვეშ“ მერიამ 2018 წელს დაიწყო და ის ღია სივრცეებსა და პარკებში მასობრივი კულტურული ღონისძიებების გამართვას ითვალისწინებს. პროექტის მიზანი, ერთი მხრივ, ქართველი შემსრულებლების ხელშეწყობა, მეორე მხრივ კი მოსახლეობის განწყობაზე ზრუნვაა.
ყველა ახალი ამბავი
0