თბილისსა და ტაშკენტს შორის თანამშრომლობის მემორანდუმი გაფორმდა

© Tbilisi City Hall საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი
საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი - Sputnik საქართველო, 1920, 19.07.2022
გამოწერა
მერებმა საქართველო-უზბეკეთის ურთიერთობები განიხილეს და დედაქალაქებს შორის თანამშრომლობის პერსპექტივებზე იმსჯელეს.
თბილისი, 19 ივლისი — Sputnik. თბილისი და ტაშკენტი ითანამშრომლებენ სხვადასხვა მიმართულებით – შესაბამის მემორანდუმს ხელი მოაწერეს საქართველოს და უზბეკეთის დედაქალაქების მერებმა კახა კალაძემ და ჯაჰონგირ არტიკხოჯაევმა.
მერების შეხვედრა ტაშკენტში საქართველოს პრემიერ-მინისტრის ოფიციალური ვიზიტის ფარგლებში გაიმართა. მხარეებმა საქართველო–უზბეკეთის ურთიერთობები განიხილეს და დედაქალაქებს შორის თანამშრომლობის პერსპექტივებზე იმსჯელეს.

„აღნიშნული მემორანდუმის ფარგლებში გვექნება შესაძლებლობა, სხვადასხვა მიმართულებით ვითანამშრომლოთ, რაც ძალიან დიდი შესაძლებლობაა – თბილისსა და ტაშკენტს შორის ურთიერთობები კიდევ უფრო გავაღრმავოთ, კიდევ უფრო საინტერესო და მეგობრული გავხადოთ“, – განაცხადა კალაძემ.

მისი თქმით, ტაშკენტთან თბილისის თანამშრომლობის განვითარებას დიდ მნიშვნელობას ანიჭებს, განსაკუთრებით, ტურიზმის სფეროში.
„მისასალმებელია ისიც, რომ უკვე პირდაპირი ფრენებია დანიშნული – კვირაში ორჯერ არის შესაძლებელი როგორც თბილისში, ასევე ტაშკენტში ჩამოსვლა, რაც ხელს შეუწყობს ტურისტული მიმართულების განვითარებას“, – განაცხადა კახა კალაძემ.
© Courtesy of Tbilisi City Hall საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი
 Мэры столиц Грузии и Узбекистана Каха Каладзе и Джахонгир Артыкходжаев - Sputnik საქართველო, 1920, 19.07.2022
საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი
გარდა ამისა, ტაშკენტისა და თბილისის მერებმა ტაშკენტის მერიის სიტუაციური ცენტრი მოინახულეს.
„მოხარული ვარ, რომ ქართველი მეგობრები ჩვენთან ასე ახლოს არიან ტრადიციების, კულტურისა და ეკონომიკის განვითარების მიმართულებით. ჩვენ ეკონომიკურ ურთიერთობას ახლო მომავალში კიდევ უფრო გავაღრმავებთ“, – განაცხადა ტაშკენტის მერმა.
© Courtesy of Tbilisi City Hall საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი
 Мэры столиц Грузии и Узбекистана Каха Каладзе и Джахонгир Артыкходжаев - Sputnik საქართველო, 1920, 19.07.2022
საქართველოსა და უზბეკეთის დედაქალაქების მერები კახა კალაძე და ჯაჰონგირ არტიკხოჯაევი
როგორც თბილისის მერიაში აცხადებენ, თბილისსა და ტაშკენტს შორის გაფორმებული თანამშრომლობის მემორანდუმი ითვალისწინებს აქტიურ თანამშრომლობას სხვადასხვა სფეროში – ეკონომიკის, ვაჭრობის, განათლების, მეცნიერების, ტრანსპორტის, გარემოს დაცვის, კულტურის, სპორტის, ტურიზმის მიმართულებებით.
წყარო - თბილისის მერია
ყველა ახალი ამბავი
0