https://sputnik-georgia.com/20220719/sartichalashi-lurji-mocvis-nergebis-warmoeba-daiwyo-268652689.html
სართიჭალაში ლურჯი მოცვის ნერგების წარმოება დაიწყო
სართიჭალაში ლურჯი მოცვის ნერგების წარმოება დაიწყო
Sputnik საქართველო
სანერგე მეურნეობაში, სადაც ლურჯი მოცვის ოთხი ჯიშის ნერგები იწარმოება, 40 ადგილობრივია დასაქმებული. 19.07.2022-ს, Sputnik საქართველო
2022-07-19T13:37+0400
2022-07-19T13:37+0400
2022-07-19T19:44+0400
საქართველო
საქართველოს სოფლის მეურნეობა
საზოგადოება
საქართველოს ეკონომიკა
ახალი ამბები
https://cdnn1.img.sputnik-georgia.com/img/24552/31/245523115_0:19:1000:582_1920x0_80_0_0_02a1e80af42d4301eaff2bd681fea7a5.jpg
თბილისი, 19 ივლისი – Sputnik. ქართულ-პოლონურმა კომპანია „აგრომაქს დეკორმა“ გარდაბნის მუნიციპალიტეტის სოფელ სართიჭალაში ლურჯი მოცვის ნერგების წარმოება დაიწყო. ინფორმაციას გარემოს დაცვისა და სოფლის მეურნეობის სამინისტრო ავრცელებს.უწყების ცნობით, კომპანიამ სანერგე მეურნეობის მოსაწყობად 500 ათას ლარზე მეტი ინვესტიცია განახორციელა, აქედან 350 ათას ლარზე მეტი სოფლის განვითარების სააგენტოს თანადაფინანსებაა.სანერგე მეურნეობაში არსებულ ვითარებას ადგილზე გაეცნო სოფლის განვითარების სააგენტოს დირექტორი ილია თამარაშვილი.„ქართულ-პოლონური ინვესტიციით შექმნილ სანერგე მეურნეობაში, რომელიც სახელმწიფო პროგრამის ფარგლებში დაფინანსდა, ლურჯი მოცვის ნერგების წარმოება ხდება... ჩვენი ახალი ბაღები ძირითადად იმპორტირებული ნერგებით შენდება, ამიტომაც მნიშვნელოვანია, რომ არსებული სანერგე მეურნეობა ბაზარს უკვე ადგილობრივი წარმოების ნერგებით მოამარაგებს“, – განაცხადა თამარაშვილმა.გავრცელებული ინფორმაციით, სანერგე მეურნეობაში, სადაც ლურჯი მოცვის ოთხი ჯიშის 200 ათასი ერთეული ნერგი იწარმოება, 40 ადგილობრივია დასაქმებული.სახელმწიფო პროგრამის „დანერგე მომავალი“ ფარგლებში დაფინანსებულია 11 სანერგე მეურნეობა, ინვესტიციის ოდენობა 5 მლნ ლარს აჭარბებს, სოფლის განვითარების სააგენტოს თანადაფინანსება კი 3 მლნ ლარს აღემატება.მოცვის ექსპორტი 2021 წელს2021 წლის 1 მაისიდან 18 ივლისის ჩათვლით პერიოდში საქართველოდან 916 ტონა მოცვის ექსპორტი განხორციელდა, რომლის ღირებულებამ 5,4 მლნ აშშ დოლარი შეადგინა.2020 წლის ანალოგიურ პერიოდთან შეადრებით, 2021 წელს მოცვის ექსპორტის მოცულობა 42%-ით გაიზარდა. ქვეყნიდან გავიდა 269 ტონით მეტი მოცვი და ექსპორტის ღირებულება დაახლოებით 1,7 მლნ დოლარით (45%) გაიზარდა.2021 წელს მოცვის ექსპორტი ძირითადად განხორციელდა რუსეთის ფედერაციაში (842 ტონა), ასევე მცირე რაოდენობით არაბთა გაერთიანებულ საამიროებში (26,4), უკრაინაში (21,1), გერმანიაში (10,9), ბულგარეთში (4,6), სომხეთში (4,0), კატარში (2,9), მალაიზიაში (1,1), მოლდოვაში (0,9), სიანგანში (0,8), ბაჰრეინსა (0,8) და ლიბანში (0,3).
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს სოფლის მეურნეობა, საზოგადოება, საქართველოს ეკონომიკა, ახალი ამბები
საქართველო, საქართველოს სოფლის მეურნეობა, საზოგადოება, საქართველოს ეკონომიკა, ახალი ამბები
სართიჭალაში ლურჯი მოცვის ნერგების წარმოება დაიწყო
13:37 19.07.2022 (განახლებულია: 19:44 19.07.2022) სანერგე მეურნეობაში, სადაც ლურჯი მოცვის ოთხი ჯიშის ნერგები იწარმოება, 40 ადგილობრივია დასაქმებული.
თბილისი, 19 ივლისი – Sputnik. ქართულ-პოლონურმა კომპანია „აგრომაქს დეკორმა“ გარდაბნის მუნიციპალიტეტის სოფელ სართიჭალაში ლურჯი მოცვის ნერგების წარმოება დაიწყო. ინფორმაციას გარემოს დაცვისა და სოფლის მეურნეობის სამინისტრო ავრცელებს.
უწყების ცნობით, კომპანიამ სანერგე მეურნეობის მოსაწყობად 500 ათას ლარზე მეტი ინვესტიცია განახორციელა, აქედან 350 ათას ლარზე მეტი სოფლის განვითარების სააგენტოს თანადაფინანსებაა.
სანერგე მეურნეობაში არსებულ ვითარებას ადგილზე გაეცნო სოფლის განვითარების სააგენტოს დირექტორი ილია თამარაშვილი.
„ქართულ-პოლონური ინვესტიციით შექმნილ სანერგე მეურნეობაში, რომელიც სახელმწიფო პროგრამის ფარგლებში დაფინანსდა, ლურჯი მოცვის ნერგების წარმოება ხდება... ჩვენი ახალი ბაღები ძირითადად იმპორტირებული ნერგებით შენდება, ამიტომაც მნიშვნელოვანია, რომ არსებული სანერგე მეურნეობა ბაზარს უკვე ადგილობრივი წარმოების ნერგებით მოამარაგებს“, – განაცხადა თამარაშვილმა.
გავრცელებული ინფორმაციით, სანერგე მეურნეობაში, სადაც ლურჯი მოცვის ოთხი ჯიშის 200 ათასი ერთეული ნერგი იწარმოება, 40 ადგილობრივია დასაქმებული.
სახელმწიფო პროგრამის „დანერგე მომავალი“ ფარგლებში დაფინანსებულია 11 სანერგე მეურნეობა, ინვესტიციის ოდენობა 5 მლნ ლარს აჭარბებს, სოფლის განვითარების სააგენტოს თანადაფინანსება კი 3 მლნ ლარს აღემატება.
მოცვის ექსპორტი 2021 წელს
2021 წლის 1 მაისიდან 18 ივლისის ჩათვლით პერიოდში საქართველოდან 916 ტონა მოცვის ექსპორტი განხორციელდა, რომლის ღირებულებამ 5,4 მლნ აშშ დოლარი შეადგინა.
2020 წლის ანალოგიურ პერიოდთან შეადრებით, 2021 წელს მოცვის ექსპორტის მოცულობა 42%-ით გაიზარდა. ქვეყნიდან გავიდა 269 ტონით მეტი მოცვი და ექსპორტის ღირებულება დაახლოებით 1,7 მლნ დოლარით (45%) გაიზარდა.
2021 წელს მოცვის ექსპორტი ძირითადად განხორციელდა რუსეთის ფედერაციაში (842 ტონა), ასევე მცირე რაოდენობით არაბთა გაერთიანებულ საამიროებში (26,4), უკრაინაში (21,1), გერმანიაში (10,9), ბულგარეთში (4,6), სომხეთში (4,0), კატარში (2,9), მალაიზიაში (1,1), მოლდოვაში (0,9), სიანგანში (0,8), ბაჰრეინსა (0,8) და ლიბანში (0,3).
