სხვისი სამგზავრო ბარათის გამოყენებისთვის საზოგადოებრივი ტრანსპორტის მგზავრებს დააჯარიმებენ

© photo: Sputnikავტობუსები თბილისში
ავტობუსები თბილისში - Sputnik საქართველო, 1920, 19.07.2022
გამოწერა
Yandex newsTelegram
სამგზავრო ბარათი, რომელიც მგზავრს არ ეკუთვნის, ერთი წლის ვადით დაიბლოკება.
თბილისი, 19 ივლისი – Sputnik. თბილისის საზოგადოებრივი ტრანსპორტის მგზავრები დაჯარიმდებიან, თუ ისინი სხვის სამგზავრო ბარათებს გამოიყენებენ, ნათქვამია დედაქალაქის მერიის დადგენილებაში, რომელიც „საკანონმდებლო მაცნეს“ ვებ-გვერდზე გამოქვეყნდა.
დოკუმენტში აღნიშნულია, რომ მგზავრებს ეკრძალებათ თავიანთი პლასტიკური ბარათით სხვა მგზავრების მგზავრობის საფასურის გადახდა.

როგორც მერიის დადგენილებაშია აღნიშნული, იმ შემთხვევაში, თუ მსგავსი ფაქტი დაფიქსირდება, კონტროლიორი ბარათის მფლობელს ან მას, ვინც ამ ბარათს იყენებს, დააჯარიმებს 20 ლარით. სამგზავრო ბარათი დაიბლოკება ერთი წლის ვადით. ერთი წლის შემდეგ ის ავტომატურად განიბლოკება.

საზოგადოებრივი ტრანსპორტით სარგებლობის წესების სხვა დეტალებზე დადგენილებაში საუბარი არ არის.
თბილისის საზოგადოებრივი ტრანსპორტი 1 თებერვლიდან მგზავრობის საფასურის გადახდის სააბონემენტო სისტემაზე გადავიდა. კერძოდ, ავტობუსით, მიკროავტობუსით, „უნივერსიტეტი-ბაგების“ საბაგირო გზით და მეტროთი მგზავრობის საფასურის გადახდა ახალი სისტემით ხდება.
თბილისში მოქმედი სამგზავრო აბონემენტების საფასური შემდეგია: 1 დღე – 3 ლარი, ერთი კვირა – 20 ლარი, ერთი თვე – 40 ლარი, სამი თვე – 100 ლარი, ექვსი თვე – 150 ლარი, ერთი წელი – 250 ლარი.
ამასთან, ერთჯერადი მგზავრობის საფასური 50 თეთრის ნაცვლად ერთი ლარი გახდა.
ყველა ახალი ამბავი
0