მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ზელენსკი ტრიუდოს საყვედურობს: „ჩრდილოეთის ნაკადის“ ტურბინა გერმანიაში გაიგზავნა

  - Sputnik საქართველო, 1920, 18.07.2022
გამოწერა
Yandex newsTelegram
თბილისი, 18 ივლისი − Sputnik. უკრაინელები არასდროს მიიღებენ კანადის გადაწყვეტილებას, დაუბრუნოს რუსეთს „ჩრდილოეთის ნაკადის“ ტურბინა გერმანიის მთავრობის თხოვნით, განუცხადა პრეზიდენტმა ვოლოდიმირ ზელენსკიმ კანადელ კოლეგა ჯასტინ ტრიუდოს სატელეფონო საუბრისას.

„განსაკუთრებით აღვნიშნე, რომ უკრაინელები არასდროს მიიღებენ კანადის გადაწყვეტილებას „ჩრდილოეთის ნაკადის“ ტურბინასთან დაკავშირებით, რომელიც გერმანიას გადაეცემა სანქციების რეჟიმის ფაქტობრივი დარღვევით“, − განაცხადა ზელენსკიმ ვიდეომიმართვისას.

ამასთან ვრცელდება ინფორმაცია, რომ გერმანიაში ტურბინა კანადამ 17 ივლისს გაგზავნა, რომელიც იქ უკრაინაში რუსეთის „სამხედრო სპეცოპერაციის“ დაწყებამდე იყო გატანილი შესაკეთებლად.
არსებული მონაცემებით, ტურბინა გერმანიიდან რუსეთში 24 ივლისისთვის ჩავა. თუმცა „გაზპრომს“ ჯერ კიდევ არ დაუდასტურებია, რომ კანადის ქარხანაში შეკეთებული ტურბინის მიღების შემდეგ „ჩრდილოეთის ნაკადით“ მიწოდებებს გაზრდის.
„გაზპრომმა“ 16 ივნისს „ჩრდილოეთის ნაკადით“ გაზის მიწოდებების დონე 40%-მდე (67 მლნ კუბური მეტრი დღეში) შეამცირა იმ მოტივით, რომ გაზსადენს პრობლემები ჰქონდა ტურბინის არარსებობის გამო. ოტავა უარს ამბობდა ტურბინის დაბრუნებაზე, რადგან კანადის ხელისუფლებამ სანქციები დააწესა „გაზპრომის“ წინააღმდეგ და აღჭურვილობის რუსეთში გატანა აკრძალა.
მოგვიანებით, 11 ივლისს „გაზპრომმა“ საერთოდ შეაჩერა ბუნებრივი აირის ევროპაში მიწოდება გეგმიური პროფილაქტიკური სამუშაოების მიზეზით, რომელიც, წესით, 21 ივლისამდე უნდა გაგრძელდეს. Financial Times-ის წყაროების თანახმად, გერმანიის მთავრობა შიშობს, რომ რუსეთი, გაზსადენის ყოველწლიური ტექნიკური მომსახურების მომიზეზებით, მთლიანად შეუწყვეტს გაზის მიწოდებას ქვეყანას და ამასთან გააჭიანურებს სამუშაოებს.
ყველა ახალი ამბავი
0